தமிழில் அறிமுகமாகும் இலங்கை நடிகை
இலங்கையை சேர்ந்தவர்கள் தமிழில் நடிகையாக அறிமுகமாவது ஒன்றும் புதிதில்லை. பூஜா, லாஸ்லியா உள்ளிட்ட பலர் நடித்துள்ளனர். தற்போது பாலிவுட்டில் ஜாக்குலின் பெர்னாண்டஸ் நடித்து வருகிறார். இந்த நிலையில் தற்போது தமிழ் சினிமாவுக்கு தசுனி என்ற இலங்கை நடிகை வருகிறார்.
தமிழில் அண்ணே என்ற பெயரில் தயாராகும் படத்தில் கதாநாயகியாக நடிக்கிறார். ஜெய் ஆகாஷ் கதாநாயகனாக நடித்து இயக்குகிறார். அக்ஷயா, பேலிஜா, பவர் ஸ்டார் சீனிவாசன், சாம்ஸ், லட்சன், ரஞ்சன் உள்ளிட்ட பலர் நடிக்கின்றனர். அண்ணன், தங்கை பாசத்தை மையமாக வைத்து படம் உருவாகிறது. அய்யா என்ற பெயரில் சிங்கள மொழியிலும் தயாராகிறது.