இந்திய நாட்டின் பாதுகாப்பிற்காக இரவு, பகல் பாராமல் கடமையை செய்து வரும் ராணுவ வீரர்களுக்கு இந்திய அரசு பல்வேறு திட்டம் மூலம் மரியாதை செய்து வருகிறது.
இதன் ஒரு பகுதியாக நாட்டில் உள்ள ராணுவ வீரர்களை கவுரவிக்கும் விதமாகவும், அவர்களை ஊக்குவிக்கும் வகையிலும் புதிய திட்டங்களை அறிவித்து மத்திய அரசானது செயல்படுத்தி வருகிறது.
மேலும் ராணுவ பணிகளில் இளைஞர்கள் சேருவதை ஊக்குவிக்கும் விதமாகவும் முயற்சிகள் செய்து வருகிறது. இதன் காரணமாகவே ‘அக்னி வீர்’ என்ற புதிய திட்டத்தினை மத்திய அரசு அறிமுகம் செய்து செயல்படுத்தி வருகிறது.
இந்த நிலையில் பிரதமர் மோடி தலைமையில் சமீபத்தில் ராணுவ வீரர்களுக்கான ‘ஒரே ரேங்க் ஒரே பென்சன்’ திட்டம் தொடர்பாக முக்கியத் தலைவர்களுடன் ஆலோசனை நடத்தப்பட்டது.
இந்த ஆலோசனைக் கூட்டத்தின் முடிவில் ராணுவ வீரர்களுக்கான ஓய்வூதியத்தை உயர்த்த மத்திய அரசு ஒப்புதல் அளித்து உள்ளது. இந்த ஓய்வூதிய உயர்வு முடிவு இளைஞர்கள் அதிக அளவில் ராணுவத்தில் சேருவதை ஊக்குவிக்கும் விதமாக எடுக்கப்பட்டு உள்ளதாக கூறப்படுகிறது.
அதேப் போன்று, கடந்த 2019ம் ஆண்டு ஜூன் மாதம் 30ம் தேதி வரை ஓய்வுப்பெற்ற 25 லட்சம் ராணுவ வீரர்கள் இந்த திட்டத்தின் மூலம் பயன் அடைவார்கள் என்றும் தெரிவிக்கப்பட்டு உள்ளது.
இந்த நிலையில் நாட்டின் எல்லைப் பகுதிகளில் பாதுகாப்பு பணியில் ஈடுபடும் ராணுவ வீரர்கள் ஆண்டுக்கு 100 நாள்கள் தங்களது குடும்பத்துடன் இருக்க அல்லது தலைமை அலுவலகத்தில் பணி அமர்த்தப்படுவார்கள் என்று, மத்திய உள்துறை அமைச்சர் அமித் ஷா அறிவித்து உள்ளார்.
பெங்களூருவில் நடைபெற்ற இந்தோ – திபெத் காவல் துறைக்கு நிறைவேற்றப்பட்ட பல்வேறு திட்டப் பணிகளை தொடக்கி வைத்தும், பல்வேறு திட்ட பணிகளுக்கு அடிக்கல் நாட்டி வைத்தும் பேசியபோது அமித் ஷா இவ்வாறு கூறி உள்ளது முக்கியத்துவம் வாய்ந்த ஒன்றாக பார்க்கப்படுகிறது.
எல்லை பாதுகாப்பு பணியில் ஈடுபடுகின்ற ராணுவ வீரர்களுக்கு ஆண்டுதோறும் 100 நாள்கள் அவர்கள் தங்களது, குடும்பத்துடன் தங்கி இருக்க அல்லது தலைமை அலுவலகத்தில் பணியாற்ற நல்ல வாய்ப்பு வழங்கப்படும்.
இந்த பரிந்துரையை நிறைவேற்றுவது, தொடர்பான பணிகள் உடனடியாக துவங்கப்படும். இதன் மூலம் ராணுவ வீரர்களுக்கு ஏற்படும் மன அழுத்தமும் வெகுவாக குறையும்.
எல்லை பாதுகாப்பு பணி என்பது மிகவும் சவாலானது. என்னால் அதை நன்றாக புரிந்து கொள்ள முடிகிறது. மத்திய உள் துறை அமைச்சர் அமித் ஷா கூறி இருப்பது, ராணுவ வீரர்களுக்கு பெரும் மகிழ்ச்சியை ஏற்படுத்தி உள்ளது.