சென்னையில், ஆபரணத் தங்கத்தின் விலை நாளுக்கு நாள் அதிகரித்த வண்ணம் உள்ளது. அதன்படி இன்று, சவரனுக்கு 328 ரூபாய் உயர்ந்து, 41,528 ரூபாய்க்கு விற்பனை செய்யப்படுகிறது.
சென்னையில் கடந்த சில நாட்களுக்கு முன்பு தங்கத்தின் விலை கடுமையாக உயர்ந்து ஒரு சவரன் 41,000 ரூபாயைத் தாண்டியது. தொடர்ந்து தங்கம் விலை அதிரடியாக உயர்ந்து வருவதால், நகை வாங்கும் வாடிக்கையாளர்கள் அதிர்ச்சி அடைந்துள்ளனர்.
இந்த நிலையில், சென்னையில் இன்று (3-ம் தேதி) 22 கேரட் ஆபரணத் தங்கத்தின் விலை சவரனுக்கு 328 ரூபாய் உயர்ந்து, 41,528 ரூபாய்க்கு விற்பனையாகிறது. 22 கேரட் ஆபரணத் தங்கத்தின் விலை கிராமுக்கு 41 ரூபாய் உயர்ந்து, 5,191 ரூபாய்க்கு விற்பனை செய்யப்படுகிறது.
அதுபோல், வெள்ளியின் விலை ஒரு கிராமிற்கு 1 ரூபாய் உயர்ந்து 75.50 ரூபாய் ஆகவும், கட்டி வெள்ளி ஒரு கிலோவிற்கு 1000 ரூபாய் உயர்ந்து 75,500 ரூபாய் ஆகவும் விற்பனை செய்யப்படுகிறது.