டெல்லியை சேர்ந்தவர் அஞ்சலி. இவர் தனியார் நிறுவனத்தில் வேலை செய்து கொண்டு வருகிறார். இதற்கிடையே புத்தாண்டையொட்டி அஞ்சலி பணிபுரியும் நிறுவனம் சார்பில் ஓட்டலில் ஏற்பாடு செய்யப்பட்ட நிகழ்ச்சிக்கான பணியை முடித்துள்ளார். புத்தாண்டுக்கு முன்தின நாளான டிசம்பர் 31-ம் தேதி நிகழ்ச்சி ஏற்பாடுகளை செய்துள்ளார். பின்னர், ஜனவரி 1 புத்தாண்டு பிறந்த நிகழ்ச்சிகளை நிறைவு செய்துள்ளார். பின்னர், ஓட்டலில் இருந்து புத்தாண்டு அதிகாலை 1.45 மணியளவில் ஸ்கூட்டரில் அஞ்சலி புறப்பட்டுள்ளார்.
டெல்லியின் சுல்தான்புரி பகுதியில் வந்தபோது எதிரே வந்த சொகுசு கார் ஒன்று ஸ்கூட்டர் மீது பயங்கரமாக மோதியது. இதில் தூக்கி வீசப்பட்ட அஞ்சலி சம்பவ இடத்திலேயே பரிதாபமாக உயிரிழந்தார். அத்துடன் அவரது கால் காரின் டயரில் சிக்கியது. இதன் பின்னரும் காரை நிறுத்ததாத டிரைவர், அந்த பெண்ணின் சடலத்தை சுமார் 12 கி.மீ. தூரத்துக்கு மேல் இழுத்துச்சென்று விட்டார். சுல்தான்புரியில் இருந்து கஞ்சவாலா பகுதி வரைக்கும் இந்த கொடூர செயலை அவர் அரங்கேற்றினார். கஞ்சவாலாவில் சிக்கிய அந்த காரில் இருந்து, இளம்பெண்ணின் உடலை போலீசார் மீட்டு பிரேத பரிசோதனைக்கு அனுப்பி வைத்தனர். அத்துடன் காரில் இருந்த 5 பேரை கைது செய்தனர்.
இந்த சம்பவம் மறைவதற்குள் அடுத்த சம்பவம் அரங்கேறியுள்ளது. நொய்டா கிரேட்டர் பகுதியில் பி-டெக் மாணவர்கள் வேகமாக காரை ஒட்டி மாணவிகள் மீது மோதியுள்ளார். மூன்று மாணவிகளில் சுவீட்டி குமாரி என்ற மாணவி விபத்துக்குப் பிறகு கோமா நிலைக்குச் சென்றார், மற்ற இருவரும் பலத்த காயமடைந்து சிகிச்சை பெற்று வருகின்றனர். மாணவிகள் மீது காரை மோதி விட்டு தலைமறைவான குற்றவாளிகளை கண்டுபிடிக்க போலீசார் தீவிர தேடுதல் வேட்டையில் ஈடுபட்டு உள்ளனர்.