தாய்லாந்தில் உள்ளூர் ஆற்றில் மீன் பிடிக்க சென்ற மீனவருக்கு திகிலை ஏற்படுத்தும் சம்பவம் ஒன்று நடந்துள்ளது.
வலையில் பெரிய மீன்
தாய்லாந்தின் Phitsanulok பகுதியில் உள்ள ஆற்றில் அந்த மீனவர் மீன் பிடிக்க சென்றுள்ளார். அவரது வலையில் பெரிய மீன் ஒன்று சிக்கியதாக கருதியவருக்கு, நான்கு நாட்களுக்கு முன்னர் மாயமானதாக கூறப்படும் இளம்பெண் ஒருவரின் சடலம் சிகியதை அறிந்து உறைந்து போயுள்ளார்.
@getty
ஜனவரி 2ம் திகதி பகல் 10.30 மணியளவிலேயே குறித்த சம்பவம் நடந்துள்ளது. தகவலையடுத்து சம்பவப்பகுதிக்கு விரைந்த பொலிசாரே, அது மாயமான 21 வயது பல்கலைக்கழக மாணவி சுனித் என்பதை உறுதி செய்துள்ளனர்.
மாணவி சுனித்தின் நண்பர்களில் ஒருவர் தெரிவிக்கையில், சம்பவத்தன்று சுனித் உள்ளூர் மதுபான விடுதியில் மது அருந்த சென்றதாகவும், திரும்பி வரும் போது பிக்கப் ட்ரக் ஒன்றில் அவர்கள் பயணித்ததாகவும் கூறியுள்ளார்.
ஆற்றில் குதித்த இளம்பெண்
ஆனால் குறிப்பிட்ட பாலத்தின் மீது வாகனம் சென்றுகொண்டிருக்கும் போது திடீரென்று சுனித் வாகனத்தில் இருந்து ஆற்றில் குதித்ததாகவும் தெரிவித்துள்ளார்.
இதனையடுத்து அதிர்ச்சியடைந்த நண்பர்கள் அனைவரும் அவர் குதித்த பகுதிக்கு சென்று தீவிரமாக தேடியுள்ளனர்.
@getty
ஆனால் ஏமாற்றமே மிஞ்சியதாகவும், பின்னர் அதிகாரிகளுக்கு தகவல் அளித்ததாகவும் தெரிவித்துள்ளனர்.
விசாரணையில் சந்தேகத்திற்கு எந்த காரணமும் இல்லை என்பதால் பொலிசார் சுனித் மரணம் தற்கொலை என்றே முடிவுக்கு வந்துள்ளனர்.