சென்னை: போதைப்பொருள் இல்லாத தமிழ்நாட்டை உருவாக்க அனைவரும் அயராது பணியாற்ற வேண்டும் என முதல்வர் மு.க.ஸ்டாலின் தெரிவித்துள்ளார். போதைப்பொருட்கள் பழக்கத்தை முற்றிலும் ஒழிப்பது குறித்து நடந்த ஆலோசனை கூட்டத்தில் முதல்வர் உத்தரவிட்டார். பள்ளி, கல்லூரிகளில் போதைப்பொருள் தடுப்பு விழிப்புணர்வு பிரசாரங்களை அதிகப்படுத்த வேண்டும். போதைப்பொருள் எந்த வடிவில் வந்தாலும் அதை அடியோடு ஒழிக்க தீவிர நடவடிக்கை மேற்கொள்ள வேண்டும். தொடர் குற்றங்களில் ஈடுபடுவோரிடம் பிணை முறிவு பத்திரம் மூலம் உறுதிமொழி பெற வேண்டும் என முதல்வர் அறிவுறுத்தினார்.
