'வாரிசு' டிரைலர் நாளை ரிலீஸ் என அறிவிப்பு
வம்சி பைடிப்பள்ளி இயக்கத்தில், விஜய், ராஷ்மிகா மந்தனா மற்றும் பலர் நடித்துள்ள 'வாரிசு' படத்தின் டிரைலர் நாளை(ஜன., 4) மாலை 5மணிக்கு வெளியாகும் என அறிவித்துள்ளனர். இன்று 'வாரிசு' படத்தின் சென்சார் வேலைகள் நடந்தது. அது முடிந்த பின் இந்த அறிவிப்பை படக்குழு வெளியிட்டனர். வாரிசு படத்திற்கு சென்சாரில் யு சான்று கிடத்துள்ளது. மேலும் படம் 2 மணிநேரம் 49 நிமிடங்கள் ஓடும் விதமாக ரன்னிங் டைம் உள்ளது.
பொங்கலுக்கு 'வாரிசு' படத்துடன் வெளியாக உள்ள அஜித்தின் 'துணிவு' பட டிரைலர் சில தினங்களுக்கு முன்பு வெளியாகி யு டியூபில் 40 மில்லியன் பார்வைகளை நெருங்கிக் கொண்டிருக்கிறது. 'வாரிசு' டிரைலர் வந்தால் அது 'துணிவு ' டிரைலரின் சாதனைகளை முறியடிக்கவும் வாய்ப்புள்ளது. டிரைலரைப் பொறுத்தவரையில் தமிழ்த் திரைப்படங்களில் விஜய்யின் 'பீஸ்ட்' பட டிரைலர்தான் யு டியூபில் 60 மில்லியன் பார்வைகளைப் பெற்று நம்பர் 1 இடத்தில் உள்ளது. அந்த சாதனையை 'வாரிசு' முறியடிக்கலாம்.
'வாரிசு' டிரைலர் வெளிவந்த பின் அஜித், விஜய் ரசிகர்களுக்கு இடையில் மீண்டும் சமூக வலைத்தளங்களில் மோதல் அதிகமாகலாம்.