அதிமுக பொதுக்குழு தொடர்பாக ஓ.பன்னீர்செல்வம், பி.வைரமுத்து சார்பில் உச்ச நீதிமன்றத்தில் மேல்முறையீட்டு மனு தாக்கல் செய்யப்பட்டது. அந்த மனுவில், சென்னை உயர்நீதிமன்றத்தின் தனி நீதிபதி பிறப்பித்த உத்தரவை உறுதிசெய்ய வேண்டும் என்று கூறப்பட்டுள்ளது.
மேலும் இரு நீதிபதிகள் கடந்த செப்டம்பர் 2 ஆம் தேதி பிறப்பித்த உத்தரவில் அனைத்து அம்சங்களும் ஆராயப்படவில்லை என்றும், அதனை ரத்து செய்ய வேண்டும் எனவும் கோரப்பட்டுள்ளது. எடப்பாடி பழனிசாமி தரப்பில் கேவியட் மனு தாக்கல் செய்யப்பட்டது.
இதுதொடர்பான மேல்முறையீட்டு மனுக்களை உச்ச நீதிமன்ற நீதிபதிகள் தினேஷ் மகேஸ்வரி, ரிஷிகேஷ் ராய் ஆகியோர் அடங்கிய அமர்வு விசாரித்து வருகிறது.
அரசியல் முக்கியத்துவம் வாய்ந்த இந்த வழக்கு இன்று மீண்டும் விசாரணை்க்கு வந்தது. அப்போது நீதிபதிகள் இபிஎஸ்,
என இருதரப்பு வழக்கறிஞர்களிடமும் பல்வேறு கேள்விகளை எழுப்பினர்.
குறிப்பாக, இடைக்கால பொதுச் செயலாளர் என்பவர் தேர்ந்தெடுக்கப்பட்டவரா என்று நீதிபதிகள் எழுப்பிய கேள்விக்கு, “ஆம்… பொதுக்குழு உறுப்பினர்கள் அனைவரும் ஒன்றுகூடி இடைக்கால பொதுச் செயலாளர் தேர்ந்தெடுக்கப்பட்டுள்ளார்” என்று இபிஎஸ் தரப்பில் விளக்கம் அளிக்கப்பட்டது.
இதேபோன்று, ஒருங்கிணைப்பாளர், இணை ஒருங்கிணைப்பாளர் ஆகியோர் தேர்தல் மூலமாக தேர்ந்தெடுக்கப்பட்டவர்களா? என்றும் நீிதிபதிகள் கேள்வி எழுப்பினர். அதற்கு, ” இந்த பதவிகளுக்கு யாரும் வேட்பு மனு தாக்கல் செய்யாததால், இவ்விரு பதவிகளுக்கும் இருவரும் ஒருமனதாக தேர்வு செய்யப்பட்டனர்” என்று ஓபிஎஸ் தரப்பில் விளக்கம் அளிக்கப்பட்டது.
பொதுக்குழு உறுப்பினர்களில் ஐந்தில் ஒரு பங்கு உறுப்பினர்களின் விருப்பப்படியே பொதுக்குழு கூட்டப்பட்டதாகவும் இபிஎஸ் தரப்பில் தெரிவிக்கப்பட்டது.
இப்படி இருதரப்பு வாதங்களையும் கேட்டு கொண்டிருந்த நீதிபதிகள், திடீரெ இபிஎஸ், ஓபிஎஸ் என்று சுருக்கமாக அழைப்படும் பெயரின் முழு விவரம் என்ன என்று வினவினர். அதற்கு இபிஎஸ், ஓபிஎஸ் தரப்பு வழக்கறிஞர்கள் உரிய விளக்கம் அளித்தனர்.
இதனையடுத்து, இந்த வழக்கின் விசாரணையை இந்த வாரமே தாங்கள் முடிக்க விரும்புவதாக தெரிவித்த நீதிபதிகள் வழக்கு விசாரணை நாளைக்கு ஒத்திவைத்தனர்.