விஜய் நடிப்பில் தெலுங்கு இயக்குனர் வம்ஷி படைப்பள்ளி இயக்கத்தில் உருவாகி வரும் திரைப்படம் ‘வாரிசு’. இந்த படத்திற்கு தமிழில் பாடலாசிரியர் விவேக் வசனம் எழுதியுள்ளார். இந்த படத்திற்கு தமன் இசையமைத்து வருகிறார். தமிழ் மற்றும் தெலுங்கு என இருமொழிகளில் உருவாகும் இப்படத்தை தில் ராஜூவின் ஸ்ரீ வெங்கடேஷ்வரா நிறுவனம் தயாரித்து வருகிறது.
இந்த படத்தில் கதாநாயகியாக ராஷ்மிகா மந்தனா நடித்துள்ளார். மேலும் இந்த படத்தில் நடிகர்கள் சரத்குமார், ஷ்யாம் பிரபு, பிரகாஷ் ராஜ், ஸ்ரீகாந்த், குஷ்பூ, சங்கீதா, ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ், சஞ்சனா சாரதி, பரத் ரெட்டி உள்ளிட்டோர் முக்கிய கதாபாத்திரங்களில் நடித்துள்ளனர். வரும் பொங்கலுக்கு வெளியாகும் இப்படத்தை செவன் ஸ்கீரின் ஸ்டுடியோ நிறுவனம் வெளியிடவுள்ளது.
இந்த படம் விஜய்யின் வழக்கமான ஆக்ஷன் படம் போன்று இல்லாமல் குடும்ப சென்டிமெண்ட்டில் உருவாகியுள்ளது.பொங்கலுக்கு ரிலீஸ் ஆக உள்ள இந்த படத்தின் ட்ரைலர் சற்று முன் வெளியானது