ஐ.எஸ்.எல் கால்பந்து: ஜாம்ஷெட்பூர் – சென்னையின் எப்.சி ஆட்டம் டிரா

ஜாம்ஷெட்பூர்,

11 அணிகளுக்கு இடையிலான 9-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவின் பல்வேறு நகரங்களில் நடந்து வருகிறது. இதில் ஜாம்ஷெட்பூரில் இன்று நடைபெற்ற போட்டியில் ஜாம்ஷெட்பூர் – சென்னையின் எப்.சி அணிகள் மோதின.

விறுவிறுப்பாக நடைபெற்ற இந்த போட்டியில் ஜாம்ஷெட்பூர் அணி சார்பில் ரித்விக் தாஸ் ஆட்டத்தின் 17 மற்றும் 56-வது நிமிடத்தில் என இரண்டு கோல்கள் அடித்தார். சென்னையின் எப்.சி அணி சார்பில் வின்சி ஆட்டத்தின் 60-வது நிமிடத்திலும் பீட்டர் ஆட்டத்தின் 68-வது நிமிடத்திலும் என தலா ஒரு கோல் அடித்தனர்.

இந்த நிலையில் ஆட்டநேர முடிவில் இரு அணிகளும் தலா இரண்டு கோல்கள் அடித்திருந்தனர். இதையடுத்து ஜாம்ஷெட்பூர் – சென்னையின் எப்.சி அணிகளுக்கு இடையிலான ஆட்டம் 2-2 என்ற கோல் கணக்கில் டிராவில் முடிந்தது.