பாட்னா: பீகாரில் மது விலக்கு அமலில் உள்ளது. நேற்று முன்தினம் டெல்லியில் இருந்து பாட்னாவுக்கு இண்டிகோ விமானம் வந்தது. இதில் இரண்டு பேர் மது போதையில் விமானத்தில் ஏறியதாக விமான நிறுவன அதிகாரி போலீசுக்கு தகவல் அளித்தார். இதை தொடர்ந்து பாட்னா விமான நிலையத்தில் இறங்கிய 2 பேரிடம் சோதனை( பிரீத் அனலைசர்) நடத்தப்பட்டது. இருவரும் மது குடித்திருந்தது சோதனையில் உறுதியானது. இதையடுத்து இரண்டு பேரும் கைது செய்யப்பட்டனர் என்று பாட்னா விமான நிலைய போலீஸ் அதிகாரி தெரிவித்தார்.
