இந்தியா இலங்கை இடையிலான முதல் ஒரு நாள் போட்டி இன்று நடைபெற உள்ளது.
இலங்கை கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 3 போட்டிகொண்ட 20 ஓவர் தொடரை இந்தியா 2-1 என்ற கணக்கில் கைப்பற்றியது.
இதனையடுத்து இரு அணிகள் இடையே 3 போட்டிகள் கொண்ட ஒருநாள் தொடர் நடைபெறுகிறது. இந்தியா-இலங்கை அணிகள் மோதும் முதல் ஒருநாள் போட்டி அசாம் மாநிலம் கவுகாத்தியில் இன்று நடைபெறுகிறது. கேப்டன் ரோகித் சர்மா அணிக்கு திரும்பி உள்ளார்.
அவர் காயம் காரணமாக வங்கதேசத்துக்கு எதிரான டெஸ்ட் தொடர் மற்றும் சமீபத்தில் முடிவடைந்த இலங்கைக்கு எதிரான 20 ஓவர் ஆகியவற்றில் விளையாடவில்லை. ரோகித் சர்மா தலைமையிலான இந்திய அணி வெற்றியுடன் கணக்கை தொடங்குமா என்று எதிர் பார்க்கப்படுகிறது.
இதே போல முன்னாள் கேப்டன் விராட் கோலியும் அணிக்கு திரும்பி உள்ளார். அவருக்கும் 20 ஓவர் தொடரில் ஓய்வு அளிக்கப்பட்டு இருந்தது. இந்திய அணி கடைசியாக வங்கதேசத்துக்கு எதிரான ஒருநாள் தொடரை அந்நாட்டில் 1-2 என்ற கணக்கில் இழந்தது. 20 ஓவர் தொடரை இழந்த இலங்கை அணி ஒருநாள் தொடரை கைப்பற்றும் ஆர்வத்துடன் இருக்கிறது.
இரு அணிகளும் நாளை மோதுவது 162-வது ஒருநாள் போட்டியாகும். இதுவரை நடந்த 162 ஆட்டத்தில் இந்தியா 93இல், இலங்கை 57இல் வெற்றி பெற்றுள்ளன. ஒரு ஆட்டம் ‘டை’ ஆனது. 11 போட்டி முடிவு இல்லை.
இன்றைய போட்டி பிற்பகல் 1.30 மணிக்கு தொடங்குகிறது. ஸ்டார் ஸ்போர்ட்ஸ் சேனல்களில் இந்த போட்டி நேரடியாக ஒளிபரப்பு செய்யப்படுகிறது.
newstm.in