Thunivu Varisu OTT Release: இயக்குநர் ஹெச். வினோத் இயக்கத்தில் அஜித் நடிக்கும் துணிவு, இயக்குநர் வம்சி இயக்கத்தில் விஜய் நடிக்கும் வாரிசு ஆகிய இரண்டு திரைப்படங்களும் ஒரே நாளில் வெளியாக உள்ளதால் அஜித், விஜய் ரசிகர்கள் உற்சாகத்தில் உள்ளனர்.
சுமார் 9 வருடங்களுக்கு பிறகு தமிழ் சினிமாவின் இரு பெரும் முன்னணி நடிகர்களான அஜித், விஜய் ஆகியோரின் திரைப்படங்கள் ஒரே நாளில் வெளியாகவுள்ளது தமிழகம் முழுவதும் உள்ள இவ்விரு ரசிகர்களுக்கும் பெரும் கொண்டாட்டத்தை உருவாக்கியுள்ளது.
வாரிசு படத்தின் சிறப்பு காட்சி நேற்றிரவு சென்னை சத்யம் சினிமாஸில் திரையடப்பட்டது. இதில், படக்குழுவினர், பத்திரிகையாளர்கள் உள்ளிட்டோர் கலந்து கொண்டனர். படத்திற்கு நல்ல வரவேற்பு கிடைத்துள்ள நிலையில், வாரிசு படத்தின் மீதான எதிர்பார்ப்பு எகிறியுள்ளது.
#Varisu – @PrimeVideoIN #Thunivu – @NetflixIndia
— RAJA DK (@rajaduraikannan) January 10, 2023
மேலும், துணிவு படத்தின் முதல் நாள் முதல் காட்சி தொடங்கியுள்ளதால் அந்த படத்தின் மீதான கருத்துகள் ட்விட்டரில் வெளியாகி வருகிறது. இந்நிலையில், இரு படங்களின் ஓடிடி ரிலீஸ் குறித்த தகவல்களும் வெளியாகியுள்ளன.
இரு படங்களும் ஓடிடியில் அடுத்த மாதம் தான் வெளியாகும் என கூறப்படும் நிலையில், அவை வெளியாக உள்ள ஓடிடி தளங்கள் குறித்து தெரியவந்ததுள்ளது. வாரிசு திரைப்படம் அமேசான் பிரைம் வீடியோவிலும், துணிவு திரைப்டம் நெட்பிளிக்ஸிலும் வெளியாக உள்ளதாக தெரிவிக்கப்படுகிறது. படத்தின் டைட்டில் கார்ட்டுகளில் போடப்பட்ட தகவல் மூலம் இது உறுதிசெய்யப்படுகிறது.