வாரிசு படம் தமிழகமெங்கும் நாளை ஜனவரி 11 ஆம் தேதி வெளியாகிறது. விஜய் ரசிகர்கள் தங்கள் நாயகனை திரையில் கொண்டாட தயாராகி வருகின்றனர். இந்த படத்தில் ரஷ்மிகா, சரத் குமார், பிரகாஷ் ராஜ், ஷியாம் உள்ளிட்ட ஒரு பெரிய நடிகர் பட்டாளத்தையே களம் இறக்கியுள்ளார் இயக்குனர் வம்சி .இப்படத்திற்கு தமன் இசையமைத்துள்ளார்.
இந்நிலையில், காஞ்சிபுரம் விஜய் மக்கள் இயக்கத்தினர் வெளியிட்டுள்ள அறிவிப்பு அனைவரையும் ஆச்சரியத்தில் ஆழ்த்தியுள்ளது.வாரிசு திரைப்படம் வெளியாகும் நாளைய தினம் காஞ்சிபுரம் அரசு மருத்துவமனையில் ரத்த தானம் செய்யும் அனைவருக்கும் வாரிசு படத்திற்கான டிக்கெட் இலவசமாக வழங்கப்படும் என அறிவித்துள்ளனர்.
இந்த போஸ்டர் இணையதளத்தில் வேகமாக பரவி வருவதால் நாளை ரத்த தானம் கொடுக்க நூற்றுக்கணக்கான ரசிகர்கள் கூடுவார்கள் என்று எதிர்பார்க்கப்படுகிறது.