அஜித்துடன் இணைந்து நடிக்க ஆசைப்படும் பாலிவுட் நடிகர்!
அஜித் நடிப்பில் நேர்கொண்ட பார்வை, வலிமை, துணிவு போன்ற படங்களை தொடர்ச்சியாக தயாரித்தவர் போனி கபூர். தற்போது வெளியாகியுள்ள துணிவு படம் பாசிட்டிவ்வான விமர்சனங்களை பெற்று ஓடிக் கொண்டிருக்கிறது. இந்த நிலையில் அடுத்தபடியாக போனி கபூரின் கூட்டணியில் இருந்து விலகி லைகா நிறுவனம் தயாரிக்கும் தனது 62 வது படத்தில் விக்னேஷ் சிவன் இயக்கத்தில் நடிக்கப் போகிறார் அஜித்குமார்.
போனி கபூரின் மகனும், பாலிவுட் நடிகருமான அர்ஜுன் கபூர் தான் அளித்த ஒரு பேட்டியில், அஜித்குமார் தனக்கு பிடித்த நடிகர் என்றும், அவருடன் ஒரு படத்தில் இணைந்து நடிக்க வேண்டும் என்றும் தான் ஆசைப்படுவதாகவும் தெரிவித்துள்ளார். தற்போது பான் இந்தியா படங்களாக தென்னிந்திய படங்கள் வெளியாகி வருவதால் வியாபாரம் விரிவடைந்து அதிகப்படியாக வசூலித்து வருகின்றன. இதனால் அஜித்துடன் இணைந்து நடித்தால் அவர் மூலமாக நானும் மற்ற மொழி ரசிகர்களுக்கு போய் சேருவேன். அதனால் எதிர்காலத்தில் அஜித் நடிக்கும் படங்களில் இணைவதற்கான முயற்சி எடுப்பேன் என்று தெரிவித்திருக்கிறார் அர்ஜுன் கபூர்.