நடப்பாண்டின் பொங்கல் பண்டிகை நெருங்கி விட்டது. வரும் 14ஆம் தேதி சனி போகிப் பண்டிகை, 15ஆம் தேதி ஞாயிறு தைப் பொங்கல், 16ஆம் தேதி திங்கள் மாட்டுப் பொங்கல், 17ஆம் தேதி உழவர் திருநாள் என தொடர்ந்து நான்கு விடுமுறை நாட்கள் வருகின்றன. இதையொட்டி இன்று அல்லது நாளை ஊருக்கு கிளம்ப பொதுமக்கள் திட்டமிடுவர். குறிப்பாக சென்னையில் தான் 10 லட்சத்திற்கும் மேற்பட்ட மக்கள் புறப்பட்டு செல்வர்.
சிறப்பு ஏற்பாடு
இதனால் அதிகப்படியான போக்குவரத்து வசதிகள் தேவைப்படுகின்றன. இதையொட்டி சிறப்பு பேருந்துகள், சிறப்பு ரயில்கள் உள்ளிட்டவை ஏற்பாடு செய்யப்பட்டுள்ளன. சென்னையில் இருந்து வெளியூர் செல்ல வசதியாக கோயம்பேடு, மாதவரம், பூவிருந்தவல்லி, தாம்பரம், கே.கே.நகர் ஆகிய பேருந்து நிலையங்களில் இருந்து சிறப்பு பேருந்துகள் இயக்கப்படுகின்றன.
மொத்தம் 5 பேருந்து நிலையங்கள்
இந்த 5 பேருந்து நிலையங்களுக்கு எளிதில் செல்லும் வகையில் சிறப்பு இணைப்பு பேருந்துகள் இயக்க சென்னை மாநகரப் போக்குவரத்து கழகம் முடிவு செய்துள்ளது. ஜனவரி 12 முதல் 14ஆம் தேதி வரை 340 கூடுதல் சிறப்பு இணைப்பு பேருந்துகள் இயக்கப்படும் என அறிவிப்பு வெளியாகியுள்ளது.
இதேபோல் பொங்கல் முடிந்து சென்னை திரும்பும் பொதுமக்கள் வசதிக்காக 17ஆம் தேதி செவ்வாய், 18ஆம் தேதி புதன் அன்று மாலை மற்றும் இரவு நேரத்தில் 50 பேருந்துகள், 18ஆம் தேதி புதன் மற்றும் 19ஆம் தேதி வியாழன் அதிகாலை 125 பேருந்துகள் இயக்கப்பட உள்ளன.
கோயம்பேடு பேருந்து நிலையம்
பிராட்வே டூ கோயம்பேடு – 6 பேருந்துகள்திரு.வி.க.நகர் டூ கோயம்பேடு – 8 பேருந்துகள்தி.நகர் டூ கோயம்பேடு டூ திருவேற்காடு – 2 பேருந்துகள்ஆவடி டூ கோயம்பேடு – 6 பேருந்துகள்திருவான்மியூர் டூ கோயம்பேடு – 14 பேருந்துகள்பூந்தமல்லி டூ கோயம்பேடு – 25 பேருந்துகள்கிளாம்பாக்கம் டூ கோயம்பேடு – 8 பேருந்துகள்திருவொற்றியூர் டூ கோயம்பேடு – 8 பேருந்துகள்எண்ணூர் டூ கோயம்பேடு – 3 பேருந்துகள்குன்றத்தூர் டூ கோயம்பேடு – 3 பேருந்துகள்திரு.வி.க.நகர் டூ கிண்டி டூ கோயம்பேடு – 3 பேருந்துகள்அண்ணா சதுக்கம் டூ கோயம்பேடு – 4 பேருந்துகள்எம்.கே.பி நகர் டூ கோயம்பேடு – 5 பேருந்துகள்வள்ளலார் நகர் டூ கோயம்பேடு – 8 பேருந்துகள்கண்ணகி நகர் எஸ்.சி.பி டூ கோயம்பேடு – 2 பேருந்துகள்திருப்போரூர் டூ கோயம்பேடு – 1 பேருந்துஆவடி டூ கோயம்பேடு – 2 பேருந்துகள்வண்டலூர் டூ கோயம்பேடு – 16 பேருந்துகள்திருவான்மியூர் டூ கோயம்பேடு – 4 பேருந்துகள்
தாம்பரம் ரயில் நிலையம்
வேளச்சேரி, திருவான்மியூர், அடையாறு பேருந்து நிலையம், செங்கல்பட்டு, மாமல்லபுரம், ஸ்ரீபெரும்புதூர், பிராட்வே, தி.நகர், கோவளம், திருப்போரூர், சோழிங்கநல்லூர், கொருக்குப்பேட்டை ரயில் நிலையம் ஆகிய இடங்களில் இருந்து தாம்பரம் ரயில் நிலையத்திற்கு 115 சிறப்பு இணைப்பு பேருந்துகள் இயக்கப்படும்.
பூந்தமல்லி பேருந்து நிலையம்
வள்ளலார் நகர், பிராட்வே, செங்குன்றம், தாம்பரம், திருவொற்றியூர், தி.நகர், மந்தவெளி, அம்பத்தூர் எஸ்டேட் ஆகிய இடங்களில் இருந்து பூந்தமல்லிக்கு 57 சிறப்பு இணைப்பு பேருந்துகள் இயக்கப்படும்.
இதேபோல் கே.கே.நகர் பேருந்து நிலையம் (8), மாதம்பாக்கம் பேருந்து நிலையம் (26), பிராட்வே பேருந்து நிலையம் (7) என்ற எண்ணிக்கையில் இணைப்பு பேருந்துகள் இயக்கப்படும் என அறிவிப்பில் குறிப்பிடப்பட்டுள்ளது.