துணிவு திரைப்படம் முதல் நாளில் 26 கோடி ரூபாய் வசூல் செய்துள்ளதாக தகவல் வெளியாகியுள்ளது.
பொங்கல் பண்டிகையை முன்னிட்டு அஜித்தின் துணிவு திரைப்படம் நேற்று வெளியானது. இதோடு விஜய்யின் வாரிசு படமும் வெளியானது. இதனால் ரசிகர்கள் மிகுந்த எதிர்பார்ப்பில் இருந்தனர்.
இரண்டு படங்களுமே பார்வையாளர்களிடம் வரவேற்பைப் பெற்றுள்ளன. ஹெச்.வினோத் இயக்கிய, திரைப்படமான துணிவு, இந்தியாவில் முதல் நாளில் ரூ. 26 கோடி வசூலித்ததாக தெரிகிறது. இது வாரிசு படத்தை விட ரூ.50 லட்சம் குறைவாக பெற்றுள்ளது.
தமிழ்நாட்டில் துணிவு படத்தின் வசூல் அதிகமாக இருந்தது. வாரிசு இங்கு ரூ.17 கோடி சம்பாதித்த நிலையில், துணிவு ரூ.18 கோடி வசூலித்ததாக கூறப்படுகிறது.
கர்நாடகாவில் ரூ.3.5 கோடியும், ஆந்திரா மற்றும் தெலுங்கானாவில் ரூ.2.5 மற்றும் ரூ.3 கோடியும், கேரளாவில் ரூ.1.5 கோடியும், இந்தியாவின் மற்ற பகுதிகளில் ரூ.50 லட்சமும் வசூலித்துள்ளது.
வரும் நாட்களில் தொடர்ச்சியாக விடுமுறை வருவதால், இந்த வசூல் அதிகரிக்கும் எனத் தெரிகிறது.
newstm.in