‛சூர்யா 42' படத்தின் முதல்பார்வை எப்போது
சிவா இயக்கும் தனது 42வது படத்தில் நடித்து வருகிறார் சூர்யா. சரித்திர கால கதையில் உருவாகி வரும் இந்த படம் 13 மொழிகளில் தயாராகிறது. சூர்யாவுக்கு ஜோடியாக திஷா பதானி நடிக்கிறார். ஸ்டூடியோ கிரீன் நிறுவனம் தயாரிக்கும் இந்த படத்திற்கு தேவிஸ்ரீ பிரசாத் இசையமைக்கிறார். இப்படத்திற்கு வீர் என்று டைட்டீல் வைப்பதற்கு சிறுத்தை சிவா திட்டமிட்டிருப்பதாக தகவல் வெளியாகியுள்ள நிலையில், வருகிற 21ந்தேதி கேரளாவில் அடுத்தக்கட்ட படப்பிடிப்பை தொடங்குகிறார்கள். இந்நிலையில் தற்போது இந்த சூர்யா 42வது படத்தின் பர்ஸ்ட் லுக் போஸ்டர் வருகிற ஏப்ரல் மாதம் வெளியாக இருப்பதாக தகவல் வெளியாகி உள்ளது.