இசையமைப்பாளரான விஜய் ஆண்டனி, ‘நான்’ என்ற படத்தின் மூலம் கதாநாயகனாக அறிமுகமாகி ரசிகர்கள் மத்தியில் கவனம் பெற்றார். அதைத் தொடர்ந்து பல படங்களில் நடித்த அவர், பிச்சைக்காரன் திரைப்படம் மூலம் குறிப்பிட்ட ரசிகர்களை பெற்றார்.
பிச்சைக்காரன் திரைப்படம் விமர்சன ரீதியாகவும், வசூல் ரீதியாகவும் வெற்றி பெற்றது. இந்நிலையில் விஜய் ஆண்டனி தற்போது பிச்சைக்காரன் 2 படத்தில் நடித்து வருகிறார்.
மலேசியாவில் உள்ள லங்காவி தீவில் ‘பிச்சைக்காரன் 2’ ஷூட்டிங் நடைபெற்று வருகிறது. இந்நிலையில் படப்பிடிப்பின் போது ஏற்பட்ட படகு விபத்தில், நடிகர் விஜய் ஆண்டனி காயம் அடைந்துள்ளார்.
அவர் சிகிச்சைக்காக கோலாலம்பூர் மருத்துவமனையில் அனுமதிக்கப்பட்டுள்ளார். பிச்சைக்காரன் 2 படத்தின் முன்னோட்டம் கடந்த சில மாதங்கள் முன்பு வெளியாகி பாராட்டுகளைப் பெற்றது.
பிச்சைக்காரன் 2 படத்தை விஜய் ஆண்டனி தயாரிப்பதோடு மட்டுமல்லாமல், இசையமைப்பாளராகவும், இயக்குநராகவும் பணியாற்றி வருகிறார். இந்தப் படம் மூலம் விஜய் ஆண்டனி இயக்குநராக அறிமுகமாகிறார்.
இந்த படத்தில் ஜான் விஜய், ஹரீஷ் பேரிடி, ஒய்ஜி மகேந்திரன், அஜய் கோஷ், யோகி பாபு உள்பட பலர் முக்கிய நடிகர்கள் நடிக்கிறார்கள். படம் கோடை விடுமுறையில் வெளியாகும் என அறிவிக்கப்பட்டுள்ளது.
newstm.in