நடிகை அபர்ணா பாலமுரளியிடம் கல்லூரி மாணவர் ஒருவர் அத்துமீறிய சம்பவம் பரபரப்பை ஏற்படுத்தியுள்ளது.
அபர்ணா பாலமுரளி
அபர்ணா பாலமுரளி
மலையாள படங்களின் மூலம் திரையுலகில் நடிகையாக அறிமுகமானவர் அபர்ணா பாலமுரளி. தொடர்ந்து தமிழ் மற்றும் தெலுங்கு படங்களில் நடித்து வருகிறார். சூர்யா நடிப்பில் வெளியான சூரரைப்போற்று படத்தில் அவருக்கு ஜோடியாக நடித்தார் அபர்ணா பாலமுரளி. இந்தப் படத்திற்காக சிறந்த நடிகைக்கான தேசிய விருதையும் பெற்றார் நடிகை அபர்ணா பாலமுரளி. தற்போது மலையாளத்தில் தங்கம் படத்தில் நடித்துள்ளார் அபர்ணா பாலமுரளி.
Bigg Boss Tamil 6: பிக்பாஸால் கதறிய அழுத ஷிவின்.. நெகிழ்ந்து போன ரசிகர்கள்!
தங்கம் படம்
இப்படத்தின் புரமோஷன் நிகழ்ச்சிகள் விறுவிறுப்பாக நடைபெற்று வருகின்றன. அந்த வகையில் எர்ணாகுளம் சட்டக் கல்லூரியில் தங்கம் படத்தின் புரமோஷன் விழா நேற்று நடைபெற்றது. இதில் படத்தின் ஹீரோவான வினீத் சீனிவாசனுடன் நடிகை அபர்ணா பாலமுரளியும் பங்கேற்றார். அப்போது அந்த கல்லூரியை சேர்ந்த மாணவர் ஒருவர், அபர்ணா பாலமுரளிக்கு பூங்கொத்து கொடுத்துள்ளார். அதை பெற்றுக்கொண்ட அபர்ணா பாலமுரளி, அந்த மாணவருடன் கைக்குலுக்கி உள்ளார்.
Anikha Surendran: இந்த வயசுல இப்படியா? ஹாட்டோ ஹாட்… நயன்தாராவுக்கு டஃப் கொடுக்கும் குட்டி நயன்!
அத்துமீறிய மாணவர்
இதையடுத்து அபர்ணாவை எழுந்திரிக்குமாறு கூறிய அந்த மாணவர், அவர் தோள் மீது கை வைக்க முயற்சித்தார். இதனால் அதிர்ச்சியான அபர்ணா, அவரிடம் இருந்து விலகியுள்ளார். ஆனாலும் விடாத அந்த மாணவர் அபர்ணாவை வலுக்கட்டாயமாக இழுக்க முயற்சித்து அத்துமீறியுள்ளார். இதனை பார்த்து அதிர்ச்சியான படத்தின் தயாரிப்பாளர் மற்றும் படத்தின் நாயகனான வினீத் சீனிவாசன் அந்த மாணவரை சத்தம் போட்டு விரட்டியுள்ளனர். மாணவரின் இந்த நடத்தையை அங்கிருந்த கல்லூரி நிர்வாகிகள் யாரும் கண்டுக்கொள்ளவில்லை என தெரிகிறது.
சமந்தாவின் உடல் நிலை மோசமடைந்ததா?
தரங்கெட்ட முறையில்
பின்னர் மேடைக்கு வந்து மன்னிப்பு கேட்ட அந்த மாணவர், நடிகை அபர்ணா பாலமுரளியிடம் தான் தவறாக நடக்க முயற்சிக்க வில்லை என்றும் அவருடைய தீவிர ரசிகன் என்பதால் அப்படி நடந்து கொண்டதாகவும் கூறினார். மேலும் படத்தின் ஹீரோவான வினீத் சீனிவாசாவிடம் கை குலுக்க முயன்றார் அந்த மாணவர். ஆனால் வினீத் அவருடன் கை குலுக்க மறுத்துவிட்டார். அபர்ணா பாலமுரளியிடம் கல்லூரி மாணவர் இப்படி தரங்கெட்ட முறையில் நடந்து கொண்ட வீடியோ சமூக வலைதளங்களில் வைரலாகி வருகிறது.
Vijay Antony: உதடு கிழிந்து… பற்கள் உடைந்து பலத்த காயமடைந்த விஜய் ஆண்டனி… ஆபத்தான கட்டத்தை தாண்டினார்!
குவியும் கண்டனங்கள்
இதனை பார்த்த நெட்டிசன்கள் அந்த மாணவரின் செயலை கண்டித்து வருகின்றனர். பொது வெளியில் ஒரு பெண்ணின் மீது கை வைப்பது சாதாரண விஷயமல்ல என்றும் இதுபோன்ற சம்பவங்களை தடுக்க நடவடிக்கைகள் கடுமையாக்கப்பட வேண்டும் என்றும் கூறி வருகின்றனர். மேலும் பொது நிகழ்ச்சியில் பங்கேற்கும் நடிகைகள் இதுபோன்ற சம்பவங்களை சந்திப்பது இது ஒன்றும் முதல் முறையல்ல என்றும் கூறி வருகின்றனர். அந்த மாணவரிடம் இருந்து தன்னைக் காத்துக் கொள்ள முயன்ற அபர்ணாவின் செயல் பாராட்டுக்குரியது என்றும் நெட்டிசன்கள் கூறி வருகின்றனர்.
Vadivelu: விக்கிப்பீடியாவில் என் தாய் குறித்து தவறான தகவல் உள்ளது… அழித்துவிடுங்கள்… வடிவேலு உருக்கம்!