விஜய் தற்போது வாரிசு படத்திற்கு பிறகு லோகேஷ் கனகராஜ் இயக்கத்தில் தளபதி 67 படத்தில் நடித்து வருகின்றார். வம்சியின் இயக்கத்தில் பொங்கல் பண்டிகையை முன்னிட்டு திரையில் வெளியான வாரிசு திரைப்படம் ரசிகர்களிடம் கலவையான விமர்சனங்களை பெற்றது.
இருப்பினும் வசூல் ரீதியாக இப்படம் வெற்றி படமாகவே அமைந்தது. இந்நிலையில் விஜய் அடுத்ததாக லோகேஷின் இயக்கத்தில் தளபதி 67 படத்தில் நடித்து வருகின்றார். விக்ரம் என்ற மாபெரும் வெற்றிப்படத்திற்கு பிறகு லோகேஷ் விஜய்யை இயக்குவதால் ரசிகர்கள் ஆவலாக இப்படத்தை எதிர்பார்த்து காத்திருக்கின்றனர்.
Thalapathy 67: இப்படியே போன சரியா இருக்காது..அப்சட்டில் லோகேஷ் எடுத்த அதிரடி முடிவு..!
மேலும் மாஸ்டர் படத்தின் வெற்றிக்கு பிறகு இவர்கள் கூட்டணி மீண்டும் இணைந்துள்ளதால் ரசிகர்களின் எதிர்பார்ப்பு இரட்டிப்பாகியுள்ளது. இந்நிலையில் கேங்ஸ்டர் படமாக உருவாகும் தளபதி 67 திரைப்படத்தில் த்ரிஷா, அர்ஜுன், கௌதம் மேனன், சஞ்சய் தத், மிஸ்கின் என மிகப்பெரிய நட்சத்திர பட்டாளமே நடித்து வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் இப்படம் லோகேஷின் ஸ்டைலில் LCU படமாக இருக்கும் என்றும் எதிர்பார்க்கப்படுகின்றது. இதைத்தொடர்ந்து தற்போது இப்படத்தில் நடிக்கும் வாய்ப்பை சீயான் விக்ரம் நிராகரித்துவிட்டதாக தகவல் வந்துள்ளது.
அதாவது தளபதி 67 திரைப்படத்தில் கெஸ்ட் ரோலில் நடிப்பதற்காக விக்ரமை அணுகியுள்ளார் லோகேஷ். ஆனால் கதாபாத்திரம் பெரிதாக இல்லை என்ற காரணத்தினால் விக்ரம் நடிக்க மறுத்ததாக தகவல் வந்துள்ளது. இதைப்போல விக்ரம் படத்தில் ரோலக்ஸ் ரோலையும் நடிகர் விக்ரம் நிராகரித்துள்ளது குறிப்பிடத்தக்கது.