Ajith: இங்கிலாந்தில் துணிவு படம் படைத்த புது சாதனை குறித்து அறிந்த அஜித் ரசிகர்கள் செம குஷியில் இருக்கிறார்கள்.
துணிவுஹெச். வினோத் இயக்கத்தில் அஜித் குமார் வில்லத்தனம் கலந்து நடித்த துணிவு படம் ஜனவரி 11ம் தேதி தியேட்டர்களில் ரிலீஸானது. படத்தை பார்த்தவர்கள் நல்லவிதமாக விமர்சித்தார்கள். இது படத்திற்கு பக்கபலமாக அமைந்துவிட்டது. பொங்கல் விடுமுறை முடிந்து, வார நாட்களில் கூட துணிவு படத்தின் வசூல் நன்றாக நடந்து கொண்டிருக்கிறது. இந்நிலையில் தான் துணிவு அந்த சாதனையை படைத்திருக்கிறது.
இங்கிலாந்துதளபதி விஜய்யின் மாமியார் வீடு இருக்கும் இங்கிலாந்தில் அஜித் குமாரின் துணிவு படம் 300,000 பவுண்டு வசூல் செய்துள்ளது. இங்கிலாந்தில் அஜித் படம் இவ்வளவு வசூல் செய்தது இதுவே முதல் முறையாகும். இந்த புது சாதனை குறித்து அறிந்த அஜித் ரசிகர்களோ, தல போல வருமா என பெருமையாக பேசிக் கொண்டிருக்கிறார்கள். இது துணிவு படைத்த இரண்டாவது சாதனையாகும்.
அமெரிக்காவட அமெரிக்காவில் துணிவு படம் 1 மில்லியன் டாலர்களுக்கும் அதிகமாக வசூல் செய்திருக்கிறது. அஜித் படம் ஒன்று வட அமெரிக்காவில் 1 மில்லியன் டாலரை கடந்தது இதுவே முதல் முறையாகும். அமெரிக்கா, இங்கிலாந்து மட்டும் அல்ல அரபு நாடுகளிலும் துணிவு படத்திற்கு அமோக வரவேற்பு கிடைத்துள்ளது. பிரான்ஸ், ஆஸ்திரேலியா, நியூசிலாந்து, பப்புவா நியூ கினியாவிலும் வசூல் வேட்டை நடத்தி வருகிறது துணிவு.
வசூல்துணிவு படம் ரிலீஸான 5 நாட்களில் உலக அளவில் ரூ. 150 கோடி வசூல் செய்தது. நேற்று இந்தியாவில் மட்டும் ரூ. 4.10 கோடி வசூல் செய்திருக்கிறது துணிவு. அந்த படம் ஓடும் தியேட்டர்களில் கூட்டத்திற்கு குறைவில்லை. அதனால் வசூல் வேட்டை தற்போதைக்கு நிற்காது என்று நம்பப்படுகிறது.
வாரிசுபொங்கல் பண்டிகையை மனதில் வைத்து தான் துணிவு படத்தை ரிலீஸ் செய்தார்கள். ஆனால் இந்த பொங்கலுக்கு துணிவு படம் மட்டும் ரிலீஸாகவில்லை. வம்சி பைடிபல்லி இயக்கத்தில் விஜய் நடித்த வாரிசு படமும் ரிலீஸானது. துணிவை போன்றே வாரிசும் வசூல் வேட்டை நடத்திக் கொண்டிருக்கிறது. வாரிசு படம் இதுவரை உலக அளவில் ரூ. 210 கோடி வசூல் செய்திருப்பதாக தயாரிப்பு நிறுவனம் அதிகாரப்பூர்வமாக அறிவிப்பு வெளியிட்டுள்ளது.
Varisu: துணிவை முந்திய வாரிசு: மொத்த வசூல் ரூ. 210 கோடிப்பு
ரசிகர்கள்வாரிசும், துணிவும் ரிலீஸான சில மணிநேரத்திலேயே ஆன்லைனில் கசிந்துவிட்டது. நல்ல ப்ரிண்ட்டில் அந்த படங்கள் கசிந்தபோதிலும் அவற்றை தியேட்டரில் பார்த்து ரசிக்கவே மக்கள் விரும்புகிறார்கள். அதனால் தான் இரு படங்களும் நல்ல வசூல் பார்த்து வருகின்றன என்பது குறிப்பிடத்தக்கது.