திருச்சி அருகே தாயால் விற்கப்பட்ட குழந்தையை கர்நாடகாவில் இருந்து மீட்ட லால்குடி தனிப்படை போலீசார், குழந்தை கடத்தலுக்கு மூளையாக செயல்பட்டதாக டெல்லியைச் சேர்ந்த நபரை கைது செய்தனர்.
லால்குடி அருகே பெண் குழந்தை விற்பனை விவகாரத்தில், பெற்ற குழந்தையை விற்றுவிட்டு கடத்தியதாக நாடகமாடிய தாய் ஜானகி அவரது வழக்கறிஞர் பிரபு உள்ளிட்ட 4 பேர் கைது செய்யப்பட்டனர்.
குழந்தையின் தாய் ஜானகி, குழந்தையை வழக்கறிஞரிடம் விற்ற நிலையில், 3 லட்சத்துக்கு விற்ற பணத்தில் 80 ஆயிரம் ரூபாய் மட்டுமே கொடுத்ததால், கடத்தல் புகார் கொடுத்ததும் தெரியவந்தது.
தனிப்படை அமைத்து விசாரணை நடத்திய போலீசார், தாய் ஜானகி அளித்த தகவலின்பேரில் கோபிநாத் என்ற நபரை பிடித்து விசாரித்து, கர்நாடகாவில் இருந்து குழந்தையை மீட்டனர். மேலும், குழந்தையை 5 லட்ச ரூபாய்க்கு வாங்கிய பாக்யஸ்ரீ என்பவரையும் போலீசார் கைது செய்தனர்.