தமிழ் சினிமாவில் இரு துருவங்களாக இருப்பவர்கள் அஜித் மற்றும் விஜய். இவர்களின் படங்கள் தனித்தனியே வந்தாலே ரசிகர்களின் ஆர்ப்பாட்டத்திற்கு அளவே இருக்காது. ஆனால் தற்போது பொங்கல் பண்டிகையை முன்னிட்டு இரு நடிகர்களின் படங்களும் ஒரே தினத்தில் வெளியானது.
அஜித்தின் துணிவும், விஜய்யின் வாரிசு திரைப்படமும் கடந்த வாரம் வெளியானது. ஒன்பது ஆண்டுகளுக்கு பிறகு அஜித் மற்றும் விஜய்யின் படங்கள் ஒரே தினத்தில் வெளியானதால் பரபரப்பான சூழல் நிலவி வந்தது. பல இடங்களில் இரு ரசிகர்களுக்கும் இடையே மோதல்கள் ஏற்பட்டன.
Varisu: அந்த படத்திற்கு பிறகு விஜய்யை ரசிக்க துவங்கினேன்..வெளிப்படையாக பேசிய வினோத்..!
மேலும் படத்தின் வெளியீட்டின்போது கொண்டாட்டத்தில் ஈடுபட்ட ரசிகர் ஒருவர் பரிதாபமாக உயிரிழந்தார். இது போன்ற நிகழ்வுகள் மக்களை சோகத்தில் ஆழ்த்தியது. இந்நிலையில் தற்போது ரசிகர்கள் துணிவு மற்றும் வாரிசு படத்தின் கலெக்ஷன் பற்றி பேசி மோதலில் ஈடுபட்டு வருகின்றனர்.
இதுகுறித்து சமீபத்தில் நடிகரும் இயக்குனருமான ஆர்.ஜெ பாலாஜி பேசியுள்ளார். அவர் பேசியதாவது, படத்தை பார்க்கும் ரசிகர்கள் படம் நல்லா இருக்கின்றதா இல்லையா என்பதோடு நிறுத்திக்கொள்ளுங்கள்.
படத்தின் கலெக்ஷன் பற்றி பேசி சண்டையிடுவது தேவையில்லாத ஒன்று. அதை படக்குழுவினர் பார்த்துக்கொள்வார்கள். அதைப்பற்றி பேசி உங்கள் நேரத்தை வீணடிக்காதீர்கள் என இளைஞர்களுக்கு அட்வைஸ் செய்தார் ஆர்.ஜெ.பாலாஜி.