இன்று தொடங்குகிறது ஜே.இ.இ மெயின் நுழைவுத் தேர்வு..!!

நடப்பு கல்வியாண்டில் 12ம் வகுப்பு படிக்கும் மாணவர்கள் அடுத்து ஐ.ஐ.டி. என்.ஐ.டி., ஐ.ஐ.ஐ.டி. போன்ற உயர்கல்வி நிறுவனங்களில் சேர்ந்து பொறியியல் படிப்பு படிக்க வேண்டுமென்றால், அவர்கள் ஜே.இ.இ. நுழைவுத் தேர்வில் தேர்ச்சி பெற வேண்டியது கட்டாயம். ஒவ்வொரு ஆண்டும் இந்தத்தேர்வை தேசிய தேர்வு முகமை நடத்தி வருகிறது. அதன்படி அடுத்த கல்வி ஆண்டு மாணவர் சேர்க்கைக்கான ஜே.இ.இ. மெயின் நுழைவுத் தேர்வு 2 முறை நடத்தப்படுகிறது. அதில் முதல் கட்ட ஜே.இ.இ. மெயின் நுழைவுத் தேர்வு இன்று (24-ந்தேதி) தொடங்கி 31-ந்தேதி வரை இந்த தேர்வு நடத்தப்பட இருக்கிறது.

ஜே.இ.இ தேர்வை எழுத மாணவர்கள் தயாராகி வரும் நிலையில், 2-ம் கட்ட ஜே.இ.இ. நுழைவுத் தேர்வு ஏப்ரல் மாதம் நடைபெற இருக்கிறது. முதல்கட்ட தேர்வில் பங்கேற்றவர்களும், பங்கேற்காதவர்களும் 2-ம் கட்ட தேர்வை எழுத முடியும்.