ஈரோடு கிழக்கு இடைத்தேர்தலில் பாஜக ஒதுங்கி கொண்டது. இது எங்கள் தேர்தல் இல்லை என்று கூறியுள்ள அக்கட்சியின் மாநில தலைவர் அண்ணாமலை, பல வேட்பாளர்களை நிறுத்தி வாக்குகளை பிரிக்க வேண்டாம். கூட்டணி கட்சிகள் ஒன்றிணைந்து செயல்பட வேண்டும். எங்களுடையது 2024 மக்களவை தேர்தல் மட்டுமே. இந்த இடைத்தேர்தலில் பாஜகவின் பலத்தை நிரூபிக்க வேண்டிய கட்டாயம் இல்லை எனத் தெரிவித்துள்ளார். இதனால் அதிமுகவின் ரூட் கிளியர் ஆனது.
அதிமுகவில் இரண்டு வேட்பாளர்கள்ஆனால் உட்கட்சி பூசலில் எடப்பாடி பழனிசாமி, ஓ.பன்னீர்செல்வம் என இரண்டு அணிகளாக பிரிந்து கிடப்பதால் வேறு மாதிரியான சிக்கல் ஏற்பட்டுள்ளது. இருவருமே வேட்பாளரை நிறுத்த தயாராகி விட்டனர். இரண்டு தரப்புமே பாஜகவை நேரில் சந்தித்து ஆதரவு கேட்டுள்ளனர். எனவே இருவரில் பாஜகவின் ஆதரவு யாருக்கு என்ற கேள்வி எழுகிறது.
பாஜக வியூகம்பாஜகவை பொறுத்தவரை மாநிலத்தில் செல்வாக்கு பெற்று விளங்கும் கட்சிகள் மீது சவாரி செய்து, அவற்றின் வாக்கு வங்கி முதல் முக்கிய தலைவர்கள் வரை தன்வசம் கொண்டு வந்து கபளீகரம் செய்துவிடும். அதன்பிறகு வலுவான அஸ்திவாரம் போட்டு கிளை பரப்பி கட்சியை வளர்த்து கொள்ளும். அந்த வகையில் தமிழ்நாட்டில் அதிமுகவின் முதுகில் ஏறி சவாரி செய்ய காய்களை நகர்த்தி வருகிறது.
வாக்கு வங்கி அரசியல்ஒன்றுபட்ட அதிமுகவாக இருந்தால் வரும் மக்களவை தேர்தலில் அதன் வாக்குகளை சிதறாமல் பெற்று பாஜக வேட்பாளர்களை வெற்றி பெற வைக்க முடியும் எனக் கருதுகிறது. ஏற்கனவே சட்டமன்றத்தில் 4 எம்.எல்.ஏக்களை கொண்டிருக்கிறது. அடுத்து தமிழ்நாட்டில் இருந்து எம்.பிக்களும் கிடைத்துவிட்டால் பாஜக தனது வலிமையை நாடு முழுவதும் பறைசாற்றிக் கொள்ளும்.
அமித் ஷாவிற்கு ’நோ’குறிப்பாக திமுகவிற்கு எதிரான அஸ்திரமாக அடுத்த 5 ஆண்டுகளுக்கு பயன்படுத்தும். ஆனால் எடப்பாடி பழனிசாமி, ஓ.பன்னீர்செல்வம் பிளவால் அதிமுகவின் வாக்குகளும் பிரிந்து கிடக்கின்றன. ஓ.பன்னீர்செல்வத்துடன் இணக்கமான செல்லுங்கள் என்று எடப்பாடி பழனிசாமிக்கு மத்திய உள்துறை அமைச்சரும், பாஜகவின் மாஸ்டர் மைண்டுமான அமித் ஷா சொல்லியும் கேட்கவில்லை. இதனை பாஜக பின்னடைவாக பார்க்கிறது.
இரட்டை இலை சிக்கல்எனவே வரும் ஈரோடு கிழக்கு இடைத்தேர்தலை ஒரு அஸ்திரமாக பயன்படுத்தி எடப்பாடி பழனிசாமிக்கு பாடம் கற்பிக்கலாம் என்று எண்ணுவதாக சொல்லப்படுகிறது. தற்போதைய சூழலில் எடப்பாடி தரப்பிற்கு இரட்டை இலை சின்னம் கிடைக்க வாய்ப்பில்லை என்றே அரசியல் பார்வையாளர்கள் கூறுகின்றனர். அப்படியெனில் கட்சியின் பெயரையும் பயன்படுத்த முடியாது.
காத்திருக்கும் ஆபத்துஇத்தகைய சூழலில் சுயேட்சையாக தேர்தல் ஆணையம் வழங்கும் தனி சின்னத்தில் நின்று தான் போட்டியிட வேண்டும். அது நிச்சயம் எடப்பாடி தரப்பிற்கு பாதிப்பை ஏற்படுத்தும். வாக்கு வங்கியில் பலத்த அடி விழ வாய்ப்பு உண்டாகும். அதுவும் மிகக் குறைவான வாக்குகள் வாங்கி விட்டால் அவ்வளவு தான். எடப்பாடி பழனிசாமிக்கு பெரும் சிக்கல். உண்மையான அதிமுக ஓ.பன்னீர்செல்வம் தான் என மடைமாற்றும் வேலைகள் நடைபெற வாய்ப்புள்ளது.
அக்னி பரீட்சைஇந்த வாய்ப்பை பயன்படுத்தி எடப்பாடியை தனது இழுப்புக்கு கொண்டு வந்து விடலாம் என பாஜக திட்டமிட்டுள்ளதாக கூறப்படுகிறது. அதன்பிறகு வேறு வழியில்லை. ஓ.பன்னீர்செல்வத்துடன் கைகுலுக்க டெல்லி நிர்பந்திக்கும். இவையெல்லாம் 2024 மக்களவை தேர்தல் கணக்குகள். எனவே ஈரோடு கிழக்கு இடைத்தேர்தல் எடப்பாடி பழனிசாமிக்கு அக்னி பரீட்சை என்பதில் சந்தேகமில்லை.