கீர்த்தி சுரேஷ் கொஞ்சம் கூட பயப்படாமல் இப்படி செய்து வருவதை பார்த்து ரசிகர்கள் வியந்துவிட்டார்கள்.
கீர்த்தி சுரேஷ்தமிழ் தவிர்த்து மலையாளம், தெலுங்கு படங்களிலும் நடித்து வருகிறார் கீர்த்தி சுரேஷ். கோலிவுட், டோலிவுட், மல்லுவுட்டில் முன்னணி நடிகைகளில் ஒருவராக இருக்கும் அவர் தற்போது வித்தியாசமான கதாபாத்திரங்களாக தேர்வு செய்து நடித்து வருகிறார். அப்படி அவர் நடித்த மகாநதி படத்திற்காக சிறந்த நடிகைக்கான தேசிய விருதும் கிடைத்தது.
தங்கைஒரு முன்னணி ஹீரோயின் சூப்பர் ஸ்டார்களுக்கு தங்கையாக நடிக்க ஒப்புக் கொள்ளவே மாட்டார். ஒரு முறை தங்கையாக நடித்துவிட்டால் அடுத்து அனைவரும் அதே கதாபாத்திரத்தில் நடிக்கத் தான் அழைப்பார்கள். இமேஜ் போய்விடும் என முன்னணி நடிகைகள் பயப்படுவது உண்டு. ஆனால் கீர்த்தி சுரேஷுக்கோ அந்த பயம் கொஞ்சம் கூட இல்லை.
அண்ணாத்தசிறுத்தை சிவா இயக்கத்தில் சூப்பர் ஸ்டார் ரஜினிகாந்த் நடிப்பில் வெளியான அண்ணாத்த படத்தில் அவருக்கு தங்கையாக நடித்தார் கீர்த்தி சுரேஷ். சரி இது ஒரு முறையாகத் தான் இருக்கும் என நினைத்தால் அடுத்ததாக மெகாஸ்டார் சிரஞ்சீவிக்கு தங்கையாக நடிக்க ஒப்புக் கொண்டுவிட்டார். அஜித்தின் வேதாளம் படத்தை தெலுங்கில் போலா சங்கர் என்கிற பெயரில் ரீமேக் செய்துள்ளனர். தமிழில் லட்சுமி மேனன் நடித்த கதாபாத்திரத்தில் தெலுங்கில் கீர்த்தி தான் நடித்திருக்கிறார்.
இமேஜ்தொடர்ந்து பெரிய ஹீரோக்களுக்கு தங்கையாக நடித்தால் இமேஜ் போய்விடும் என்று பயப்படாமல் நடிக்கும் கீர்த்தி சுரேஷை பார்த்து வியந்து பாராட்டுகிறார்கள் ரசிகர்கள். ஒரு பக்கம் தங்கையாக நடிக்கிறார். மறுபக்கம் முன்னணி ஹீரோக்களுக்கு ஜோடியாக நடிக்கிறார். மேலும் ஹீரோயினை மையமாக வைத்து எடுக்கப்படும் படங்களில் வித்தியாசமான கதாபாத்திரங்களில் வருகிறார். இவர் ஒரு பொம்பள விஜய் சேதுபதி என்கிறார்கள் ரசிகர்கள்.
காதல்கீர்த்தி சுரேஷ் தற்போது கை நிறைய படங்கள் வைத்திருக்கிறார். இந்நிலையில் தான் அவரின் காதல் வாழ்க்கை பற்றி தகவல் வெளியாகியிருக்கிறது. பள்ளி காலத்தில் இருந்து ஒருவரை காதலித்து வருகிறாராம் கீர்த்தி சுரேஷே். 13 ஆண்டுகளாக காதலிக்கிறார்களாம். அந்த காதலுக்கு இருவீட்டிலும் பச்சைக் கொடி காட்டிவிட்டார்களாம். 4 ஆண்டுகள் கழித்து திருமணம் செய்து கொள்ள முடிவு செய்திருக்கிறார்களாம்.
Vijay: காதலில் கீர்த்தி சுரேஷ்: இப்ப என்ன சொல்றீங்கனு கேட்கும் விஜய் ரசிகாஸ்
விஜய்கீர்த்தி அவர் பாட்டுக்கு தன் கெரியரில் கவனம் செலுத்தி வருகிறார். இந்நிலையில் அவருக்கும், தளபதி விஜய்க்கும் இடையே நெருக்கம் என வதந்தி பரவியது. சர்கார் படப்பிடிப்பின்போது எடுத்த புகைப்படத்தை காட்டி வதந்தி பரவியது. அந்த வதந்தியை நம்பி சமூக வலைதளவாசிகள் விஜய்யை கிண்டல் செய்து மீம்ஸ் போட்டார்கள்.