அஜித் மற்றும் வினோத்தின் கூட்டணியில் உருவான துணிவு திரைப்படம் பொங்கல் பண்டிகையை முன்னிட்டு திரையில் வெளியானது. இவர்கள் கூட்டணியில் இதுவரை நேர்கொண்டப்பார்வை மற்றும் வலிமை ஆகிய படங்கள் வெளியாகியுள்ளன.
தற்போது தொடர்ந்து மூன்றாவது முறையாக இவர்களது கூட்டணியில் துணிவு படம் வெளியாகியுள்ளது. கடைசியாக வெளியான வலிமை திரைப்படம் எதிர்பார்த்த வெற்றியை பெறவில்லை. என்னதான் அப்படம் வசூல் ரிதியாக வெற்றிப்படம் என சொன்னாலும் கலவையான விமர்சனங்களே வந்தது.
Thalapathy 67: தளபதி 67 படத்தில் விக்ரம் நடிக்கிறாரா? பதில் சொன்ன லோகேஷ்..!
இதையடுத்து வலிமை படத்தில் விட்டதை துணிவு படத்தில் பிடித்திட படக்குழு முனைப்பு காட்டியது. இந்நிலையில் கடந்த ஜனவரி 11 ஆம் தேதி பொங்கல் பண்டிகையை முன்னிட்டு துணிவு படம் வெளியானது. அதே தினத்தில் விஜய்யின் வாரிசு படமும் வெளியானதால் கடுமையான போட்டி நிலவியது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதைத்தொடர்ந்து இரு படங்களும் சமமான விமர்சனங்களையே பெற்றது. வாரிசு திரைப்படத்திற்கு குடும்ப ரசிகர்களின் ஆதரவு இருக்க அதே சமயத்தில் துணிவு படத்திற்கு இளைஞர்களின் ஆதரவு இருந்தது. இந்நிலையில் துணிவு திரைப்படம் ஆக்ஷன் திரில்லர் படமாக இருந்தாலும் சமூகம் சார்ந்த கருத்தை கூறியுள்ளதால் பொதுவான ரசிகர்களிடமும் நல்ல வரவேற்பை பெற்றது.
எனவே அதற்கு ஏற்றாற்போல வசூலிலும் அடித்து நொறுக்கி வருகின்றது துணிவு. என்னதான் வாரிசு படத்துடன் வசூலில் சில கோடிகள் பின்தங்கியிருந்தாலும் துணிவு படத்தின் வரவேற்பை எண்ணி அஜித் மகிழ்ச்சியில் இருப்பதாக தகவல்கள் வருகின்றன.
துணிவு படத்தின் மூலம் நல்ல கருத்தை ரசிகர்களுக்கு கூறியதும் அதற்கு அவர்கள் அளித்த வரவேற்பையும் எண்ணி அஜித் செம ஹாப்பியாக இருக்கிறாராம். அஜித் மகிழ்ச்சியாக இருப்பதை எண்ணி அவரது ரசிகர்களும் மகிழ்ச்சியடைந்துள்ளனர் என்பது குறிப்பிடத்தக்கது.