அண்மையில் தனுஷ் நடிப்பில் வெளியான திருச்சிற்றம்பலம், நானே வருவேன் படங்கள் ரசிகர்கள் மத்தியில் அமோக வரவேற்பினை பெற்றது. தனுஷின் கடைசி மூன்று படங்களும் ஓடிடியில் வெளியான நிலையில் ‘திருச்சிற்றம்பலம்’ படம் திரையரங்குகளில் வெளியாகி 100 கோடி கிளப்பில் இணைந்தது. இந்நிலையில் அடுத்ததாக தனுஷின் வாத்தி’ படம் வெளியாகவுள்ளது.
மித்ரன் ஜவஹர் இயக்கத்தில் தனுஷ், பாரதிராஜா, பிரகாஷ் ராஜ், நித்யா மேனன், பிரியா பவானி ஷங்கர், ராஷி கண்ணா நடிப்பில் திரையரங்குகளில் வெளியான ‘திருச்சிற்றம்பலம்’ பாக்ஸ் ஆபிஸில் மிகப்பெரிய வசூல் சாதனை படைத்தது. இதனை தொடர்ந்து தனுஷ் தனது அண்ணன் செல்வராகவன் இயக்கத்தில் நடித்த ‘நானே வருவேன்’ படமும் கடந்த வருடம் திரையரங்குகளில் வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படம் ரசிகர்கள் மத்தியில் எதிர்பார்த்த வரவேற்பை பெறவில்லை. இதனையடுத்து தமிழ் தெலுங்கு மொழியில் உருவாகி வரும் ‘வாத்தி’ படத்தில் நடித்து முடித்துள்ளார் தனுஷ். வெங்கி அட்லுரி இயக்கத்தில் உருவாகியுள்ள இந்தப்படத்தில் தனுஷ் ஜோடியாக சம்யுக்தா மேனன் நடித்துள்ளார்.
‘வாத்தி’ படத்தினை சித்தாரா எண்டர்டைன்மென்ட் என்ற நிறுவனம் தயாரித்து வருகிறது. இந்தப்படத்தின் டீசர் கடந்த வருடம் வெளியாகி ரசிகர்களிடம் வரவேற்பை பெற்றிருந்தது. தொடர்ச்சியாக தள்ளிபோய் கொண்டிருந்த ‘வாத்தி’ படம் வரும் பிப்ரவரி 17ஆம் தேதி வெளியாகும் என்று அதிகாரப்பூர்வமாக அறிவிக்கப்பட்டுள்ளது.
Ajith Kumar: ‘ஏகே 62’ படத்திலிருந்து விலகினாரா விக்னேஷ் சிவன்.?: வெளியான பரபரப்பு தகவல்.!
இந்நிலையில் செல்வராகவன் நடிப்பில் உருவாகியுள்ள ’பகாசூரன்’ என்ற படமும் வரும் பிப்ரவரி 17ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது. இதனை செல்வராகவன் தனது ட்விட்டர் பக்கத்தில் உறுதி செய்துள்ளார். தனுஷ், செல்வராகவன் படங்கள் ஒரே நாளில் ரிலீசாகவுள்ளது ரசிகர்கள் மத்தியில் எதிர்பார்ப்பை கிளப்பியுள்ளது.
Ranbir Kapoor: ரசிகரின் செல்போனை பிடுங்கி தூக்கி எறிந்த ரன்பீர்: வைரலாகும் அதிர்ச்சி வீடியோ.!
தனுஷ் தற்போது அருண் மாதேஸ்வரன் இயக்கத்தில் ‘கேப்டன் மில்லர்’ படத்தில் நடித்து வருகிறார். பிரியங்கா மோகன் கதாநாயகியாக நடிக்கும் இந்தப்படத்தில் சிவராஜ்குமார், சந்தீப் கிஷன் உள்ளிட்டோர் முக்கிய கதாபாத்திரத்தில் நடித்து வருகின்றனர். இதன் படப்பிடிப்பு தற்போது விறுவிறுப்பாக நடந்து வருவது குறிப்பிடத்தக்கது.