Balakrishna: சூப்பர் ஸ்டார் ரஜினிகாந்தே தனக்கு போன் போட்டு பாராட்டிய சந்தோஷத்தில் துள்ளிக் குதித்துக் கொண்டிருக்கிறார் கோபிசந்த்.
வீரசிம்ஹா ரெட்டிகோபிசந்த் இயக்கத்தில் பாலகிருஷ்ணா, ஸ்ருதி ஹாசன், ஹனி ரோஸ், துனியா விஜய் உள்ளிட்டோர் நடித்த வீரசிம்ஹா ரெட்டி படம் சங்கராந்தி ஸ்பெஷலாக ஜனவரி 12ம் தேதி தியேட்டர்களில் ரிலீஸானது. பாலய்யா படத்தை பார்க்க ரசிகர்கள் தியேட்டர்களுக்கு படையெடுத்தார்கள். பொங்கல் வின்னர் அஜித்தின் துணிவும் இல்லை, விஜய்யின் வாரிசும் இல்லை எங்கள் தலைவர் பாலய்யாவின் வீரசிம்ஹா ரெட்டி தான் என்றார்கள் ரசிகர்கள். இந்நிலையில் தான் அது நடந்திருக்கிறது.
ரஜினிவீரசிம்ஹா ரெட்டி படத்தை சூப்பர் ஸ்டார் ரஜினிகாந்த் பார்த்து ரசித்திருக்கிறார். படம் அவருக்கு மிகவும் பிடித்துவிட்டது. நல்ல படங்களை பார்த்தால் அதை இயக்கியவர்கள், நடித்தவர்களுக்கு போன் செய்து அல்லது நேரில் வரவழைத்து மனதார பாராட்டுவதை வழக்கமாக வைத்திருக்கிறார் ரஜினிகாந்த். இதனால் படம் வெளியாகும் போது ரஜினியிடம் இருந்து அழைப்பு வருமா என கலைஞர்களும், இயக்குநர்களும் எதிர்பார்க்கும் அளவுக்கு ஆகிவிட்டது. இந்நிலையில் தான் கோபிசந்துக்கு போன் செய்திருக்கிறார் ரஜினி.
கோபிசந்த்ரஜினி போன் போட்டதும் கோபிசந்துக்கு சந்தோஷம் தாங்கவில்லை. இது குறித்து கோபிசந்த் ட்விட்டரில் கூறியிருப்பதாவது, தலைவர், சூப்பர் ஸ்டார் ரஜினிகாந்திடம் இருந்து போன் அழைப்பு வந்தது. அவர் வீரசிம்ஹா ரெட்டி படத்தை பார்த்திருக்கிறார். அவருக்கு படம் பிடித்துவிட்டது. படத்தை பாராட்டி அவர் சொன்னதும், ஃபீல் செய்ததும் தான் எனக்கு பெரிய விஷயம். நன்றி ரஜினி சார் என தெரிவித்துள்ளார்.
தலைவர்
ரசிகர்கள்கோபிசந்தின் ட்வீட்டை பார்த்த ரசிகர்கள் கூறியிருப்பதாவது, சூப்பர் சார். வாழ்த்துக்கள். பாலய்யாவின் நடிப்பு அருமை. எந்த உயரத்திற்கு சென்றாலும் சக கலைஞர்களை மதிக்கத் தெரிந்தவர் ரஜினி. தலைவர் ரஜினியை வைத்து உங்கள் ஸ்டைலில் ஒரு படம் பண்ணலாமே கோபிசந்த். ஜெய் பாலய்யா. வீரசிம்ஹா ரெட்டிக்கு இதை விட பெரிய கவுரவம் கிடைக்க முடியாது. அடுத்த ஸ்டேட்காரருக்கு தலைவர் ரஜினி தான் சூப்பர் ஸ்டார் என்று தெரிகிறது என தெரிவித்துள்ளனர்.
வரவேற்புவீரசிம்ஹா ரெட்டியின் முதல்நாள் முதல் காட்சியை பார்க்க தமிழ் ரசிகர்கள் கூட அதிகாலையிலேயே தியேட்டருக்கு சென்ற சம்பவம் எல்லாம் நடந்தது. தியேட்டரில் பாலய்யா வந்த அறிமுக காட்சியில் ரசிகர்கள் விசில் அடித்து பட்டையை கிளப்பிவிட்டனர். இது ஆந்திரா, தெலுங்கானாவா இல்லை தமிழ்நாடா என்று சந்தேகம் எழும் அளவுக்கு பாலய்யாவை கொண்டாடிவிட்டனர் என்பது குறிப்பிடத்தக்கது.