UP Naked Woman Viral Video: உத்தரப் பிரதேசத்தின் ராம்பூர் மாவட்டத்தில் உள்ள தெருக்களில் அடையாளம் தெரியாத பெண் ஒருவர் ஆடையின்றி நிர்வாணமாக சுற்றித்திரியும் அதிர்ச்சி வீடியோ வைரலாகி வருகிறது. அந்த நிர்வாண பெண்ணின் சிசிடிவி வீடியோ வைரலாகி, வாட்ஸ்அப் மற்றும் சமூக வலைதளங்களில் பரவலாக பகிரப்பட்டாலும், போலீசார் இன்னும் அந்த பெண்ணைக் கண்டுபிடிக்கவில்லை.
கடந்த ஜன. 29ஆம் தேதி அன்று இரவு நிர்வாணமான நிலையில், அந்த பெண் யாரோ ஒருவரின் கதவைத் தட்டியதாகக் கூறப்படும் சம்பவம் சிசிடிவி கேமராவில் பதிவாகியுள்ளது. தொடர்ந்து, ஜன. 31ஆம் தேதி, உத்தர பிரதேசத்தின் ராம்பூர் காவல் நிலையத்தில் இதுதொடர்பாக புகார் அளிக்கப்பட்டது. ஆனால் அந்த பெண்ணையும் அவர் எங்கிருக்கிறார் என்பதையும் போலீசாரால் கண்டுபிடிக்கவில்லை.
புகார் அளித்த உள்ளூர்வாசி கூறுகையில், அந்தப் பெண்ணுக்கு சுமார் 25 வயது இருக்கும் என்றும், புகார்தாரரின் வீட்டு வாசலில் இருந்து வெளியேறியபோது, அந்தப் பெண்ணை இரண்டு பைக்கில் வந்தவர்கள் சிலர் பின்தொடர்ந்ததாகவும் அவர் கூறினார்.
தீவிர விசாரணை
இதுகுறித்து ராம்பூர் போலீசார் விசாரணை நடத்தி வருவதாக தெரிவித்துள்ளனர். அந்த பெண்ணின் நோக்கத்தை தெளிவாக அறிந்துகொள்ள முடியவில்லை என்றும் மேலும் இதுகுறித்த விவரங்களை சேகரிக்க அந்த பகுதியில் உள்ள சிசிடிவி காட்சிகளை ஆய்வு செய்து வருவதாகவும் போலீசார் முன்பு கூறியிருந்தனர். மேலும் அப்பகுதியில் போலீசார் ரோந்து பணியை தீவிரப்படுத்தியுள்ளனர். மேலும், அந்த பெண்ணை எங்காவது கண்டால், அந்த பெண்ணை குறித்த தகவலை தங்களிடம் தெரிவிக்க வேண்டும் என போலீசார் வலியுறுத்தியுள்ளனர்.
சமூக வலைதளங்களில் இந்த வைரல் வீடியோ குறித்து நெட்டிசன்கள் பல்வேறு கருத்துகளை தெரிவித்து வருகின்றனர். சிலர் அந்த வீடியோவால் பெண்ணின் இருப்பிடம் குறித்து தீவிர கவலை தெரிவித்தாலும், சிலர் அவர் மனநிலை சரியில்லாமல் இருக்கலாம் என்றும் கூறினர். அந்த பெண்ணை கண்டுபிடிக்காததால் சிலர் போலீசாரை குற்றஞ்சாட்டி வருகின்றனர். இந்த குளிரிலும் அந்த பெண் நிர்வாணமாக நடப்பது அவளுக்கு வேதனையாக இருக்கும் என்றும் தெரிவித்தனர். இங்கு அந்த பெண்ணின் நலன் கருதி, அந்த நிர்வாண வீடியோ இணைக்கப்படவில்லை.