பெங்களூரு: பெங்களூரு, தும்கூருவில் நடக்கும் நிகழ்ச்சிகளில் பங்கேற்பதற்காக பிரதமர் நரேந்திர மோடி, பிப்ரவரி 6-ம் தேதி கர்நாடகா வருகிறார். சட்டசபை தேர்தலை ஒட்டி, பிரதமர் நரேந்திர மோடி கர்நாடகா வருகிறார். ஒன்றிய, மாநில அரசு திட்டங்களை துவக்கி வைக்கிறார். பிப்ரவரி 6-ம் தேதி மீண்டும் கர்நாடகா வருகிறார். அன்றைய தினம் காலை மாதவராவுக்கு அருகிலுள்ள பெங்களூரு சர்வதேச கண்காட்சி மையத்தில் இந்திய எரிசக்தி வாரத்தை பிரதமர் துவக்கி வைக்கிறார்.
பெங்களுருவில் இந்திய எரிசக்தி வாரத்தை பிப்ரவரி 6-ம் தேதி பிரதமர் மோடி தொடங்கி வைக்கிறார். இதில் 650க்கும் மேற்பட்ட கண்காட்சியாளர்கள், உலகம் முழுவதும் இருந்து 34 அமைச்சர்கள் இருப்பார்கள். இதுபோன்ற நிகழ்வை இந்தியா நடத்துவது இதுவே முதல் முறையாகும் இது போன்ற உயர்மட்ட எரிசக்தி நிறுவனங்களின் சிஇஓக்கள் பங்கேற்று சாதனை படைத்துள்ளனர். பிரதமர் மோடி முழுமையான கூட்டத்தில் கலந்து கொள்வார் மற்றும் தலைமை நிர்வாக அதிகாரிகளுடன் வட்ட மேசை சந்திப்பை நடத்துவார் என தகவல் தெரிவித்துள்ளனர்.
இந்திய எரிசக்தி வாரத்தில், மில்லியன் பிளாஸ்டிக் பெட் பாட்டில்களை மறுசுழற்சி செய்வதன் மூலம் துணிகளை உற்பத்தி செய்தல், 2025க்குள் E20 எனப்படும் முன்முயற்சியின் கீழ் எத்தனால் கலவையை 20% ஆக விரைவுபடுத்துவது உள்ளிட்ட பெரிய ஆற்றல் முயற்சிகளை பிரதமர் வெளியிடுகிறார். பச்சை ஹைட்ரஜன் இயக்கம் பேரணியையும் பிரதமர் தொடங்கி வைக்கிறார்.
பிற்பகலில் தும்கூரு மாவட்டம், குப்பி தாலுகா, பிதரஹள்ளி காவல் கிராமத்தில் எச்.ஏ.எல்., தொழிற்சாலை வளாகத்தில் அமைக்கப்பட்டுள்ள, ஹெலிகாப்டர் தொழிற்சாலையை திறந்து வைத்து நாட்டுக்கு அர்ப்பணிக்கிறார். அதே இடத்தில் இருந்து, வீடியோ கான்பரன்ஸ் வாயிலாக, சிக்கநாயக்கனஹள்ளி, திப்டூரில் ஜல் ஜீவன் மிஷன் திட்டங்களுக்கு அடிக்கல் நாட்டுகிறார். அன்றே, பெங்களூரில் இருந்து டில்லி புறப்படுகிறார் என்று தகவல் அளித்துள்ளனர்.