புதுடெல்லி: மக்களவையில் உறுப்பினரின் கேள்விக்கு உள்நாட்டு விமானப் போக்குவரத்து அமைச்சகம் அளித்துள்ள பதில் வருமாறு: கடந்த 2022-ம் ஆண்டில் உள்நாட்டு சேவை விமானங்களில் 546 தொழில்நுட்ப குறைபாடுகள் ஏற்பட்டன. இதில் இண்டியாகோ 215, ஸ்பைஸ்ஜெட் 143, விஸ்தாரா 97, ஏர் இண்டியா 64, கோ பர்ஸ்ட் 7, ஆகாசா ஏர் 6 என தொழில்நுட்ப குறைபாடுகளை எதிர்கொண்டன.
கடந்த 2 ஆண்டுகளில் உள்நாட்டு சேவை விமானங்களில் மொத்தம் 1,090 தொழில்நுட்ப குறை பாடுகள் ஏற்பட்டன. கடந்த 2021-ல் 544 தொழில்நுட்ப குறைபாடுகள் ஏற்பட்ட நிலையில், 2022-ல் இவை சற்று அதிகரித்துள்ளன. இவ்வாறு அந்த பதிலில் கூறப்பட்டுள்ளது.
குறைந்த கட்டண விமானங்களில் தொழில்நுட்ப குறைபாடுகள் அதிகம் ஏற்படுகின்றனவா என்ற கேள்விக்கு, உள்நாட்டு விமானப் போக்குவரத்து இணை அமைச்சர் வி.கே. சிங் மறுப்பு தெரிவித்தார்.