இயக்குநரும், நடிகருமான கே. விஸ்வநாத் ஹைதராபாத்தில் காலமானார். அவருக்கு வயது 92. அவருக்கு மனைவியும், 3 பிள்ளைகளும் இருக்கிறார்கள்.
உடல்நலப் பிரச்சனை காரணமாக ஹைதராபாத்தில் இருக்கும் தனியார் மருத்துவமனை ஒன்றில் அனுமதிக்கப்பட்டிருந்தார் விஸ்வநாத். இந்நிலையில் நேற்று இரவு அவர் காலமானார். இதையடுத்து அவரின் உடல் ஜுபிளி ஹில்ஸ் பகுதியில் இருக்கும் வீட்டிற்கு கொண்டு வரப்பட்டது.
கே. விஸ்வநாத் இறந்த செய்தி அறிந்த திரையுலக பிரபலங்களும், ரசிகர்களும் அதிர்ச்சி அடைந்துள்ளனர். ஒரு சகாப்தம் முடிந்துவிட்டதாக தெரிவித்துள்ளனர்.
கே. விஸ்வநாத்தை தன் வழிகாட்டியாக பார்த்தவர் உலக நாயகன் கமல் ஹாசன். விஸ்வநாத் மறைந்தாலும் அவரின் படைப்புகள் தொடர்ந்து கொண்டாடப்படும் என உருக்கமாக தெரிவித்துள்ளார்.
கமல் ஹாசனின் ட்வீட்டை பார்த்த ரசிகர்கள் அவருக்கு ஆறுதல் கூறி வருகிறார்கள். முன்னதாக பிக் பாஸ் 6 நிகழ்ச்சியை தொகுத்து வழகங்கியபோது விஸ்வநாத்தை சந்திக்க ஹைதராபாத் சென்றார் கமல் ஹாசன். ஹைதராபாத்தில் இருந்து திரும்பிய அவருக்கு உடல்நலம் பாதிக்கப்பட்டு மருத்துவமனையில் அனுமதிக்கப்பட்டார் என்பது குறிப்பிடத்தக்கது.
வழிகாட்டியை கடைசியாக ஒரு முறை உயிருடன் பார்த்துவிட்டார் கமல். அந்த நினைப்பிலேயே அவர் வாழ்ந்துவிடுவார் என்கிறார்கள் ரசிகர்கள்.
விஸ்வநாத் பற்றி இயக்குநரும், நடிகருமான சேரன் கூறியிருப்பதாவது, எனக்கு நல்ல சினிமாவை ரசிக்க கற்றுத்தந்த படங்களில் சங்கராபரணமும் சலங்கை ஒலியும் முக்கியமானவை.. அதன் இயக்குனர் மரியாதைக்குரிய கே.விஸ்வநாத் அவர்களுக்கு என் கடைசி மரியாதை..
கலை ரசிக்கப்படுவரை வாழ்வார்…
#RIPVishwanathGaru என்றார்.
நடிகர் நிதின் கூறியிருப்பதாவது, சிறந்த இயக்குநர்களில் ஒருவரான விஸ்வநாத் காரு இறந்த செய்தி அறிந்து கவலை அடைந்தேன். தெலுங்கு திரையுலகிற்கு அவர் ஆற்றிய பங்களிப்பு என்றும் நினைவுகூரப்படும். அவரின் குடும்பத்தாருக்கு என் ஆழ்ந்த இரங்கலை தெரிவித்துக் கொள்கிறேன். ஓம் சாந்தி என தெரிவித்துள்ளார்.
ரசிகர்கள் கூறியிருப்பதாவது,
விஸ்வநாத் காருவின் மறைவு திரையுலகிற்கு பேரிழப்பாகும். அவர் இடத்தை வேறு யாராலும் நிரப்ப முடியாது. விஸ்வநாத் காருவை இழந்து வாடும் குடும்பத்தாருக்கு எங்களின் ஆழ்ந்த இரங்கலை தெரிவித்துக் கொள்கிறோம் என்கிறார்கள்.
திரையுலக பிரபலங்களோ தாங்கள் விஸ்வநாத்துடன் சேர்ந்து எடுத்த புகைப்படங்கள், வீடியோக்களை சமூக வலைதளங்களில் வெளியிட்டு, அந்த லெஜண்டை பற்றி பேசிக் கொண்டிருக்கிறார்கள்.
விஸ்வநாத் இயக்கிய படங்களின் புகைப்படங்கள், வீடியோக்களை வெளியிட்டு இது போன்று படம் இயக்க இன்னொருவர் பிறந்து தான் வர வேண்டும் என ரசிகர்கள் ஒரு பக்கம் கூறி வருகிறார்கள்.
Thalapathy 67, Vijay: அடப்பாவமே, மாஸ்டரில் நடந்தது தளபதி 67லும் விஜய்க்கு நடந்துடுச்சே