Leo Vijay: தளபதி 67 படத்திற்கு லியோ என்று தலைப்பு வைத்துள்ளனர். தலைப்பை பார்த்தவர்கள் என்னது இது என கேள்வி எழுப்பியிருக்கிறார்கள்.
தளபதி 67மாஸ்டர் படத்தை அடுத்து விஜய், லோகேஷ் கனகராஜ் மீண்டும் கூட்டணி சேர்ந்துள்ளனர். தளபதி 67 என்று அழைக்கப்பட்டு வந்த அந்த படத்தின் தலைப்பு பிப்ரவரி 3ம் தேதி மாலை அறிவிக்கப்படும் என்று தெரிவித்தனர். இதையடுத்து தலைப்பு என்னவாக இருக்கும் என ரசிகர்கள் கணித்து வந்தார்கள். இந்நிலையில் தான் தலைப்பு வெளியாகியுள்ளது.
லியோவிஜய் வரும் ப்ரொமோவுடன் தலைப்பை வெளியிட்டுள்ளனர். தளபதி 67 படத்திற்கு லியோ என்று தலைப்பு வைத்திருக்கிறார்கள். ப்ரொமோ வீடியோவை பார்த்த விஜய் ரசிகர்கள் கூறியிருப்பதாவது, மாஸ் தலைப்பு. தளபதி வெறித்தனமாக இருக்கிறார் என்கிறார்கள். மற்றவர்களோ, இதுக்கு தான் இம்புட்டு பில்ட்அப்பா லோகேஷ். என்ன இது லியோ, கியோனு என கேள்வி எழுப்பியுள்ளனர். ப்ரொமோ வீடியோவை பார்த்தால் கமலின் விக்ரம் படம் நினைவுக்கு வருகிறது என தெரிவித்துள்ளனர்.
டைட்டில்
ஏஜென்ட் டீனாதளபதி 67 படத்தில் விஜய்க்கு ஜோடியாக த்ரிஷா நடிக்கிறார். 14 ஆண்டுகள் கழித்து இந்த ராசியான ஜோடி ஒன்று சேர்ந்திருக்கிறது. ஆக்ஷன் கிங் அர்ஜுன், பாலிவுட் நடிகர் சஞ்சய் தத், கவுதம் மேனன், மிஷ்கின் என பலர் நடிக்கிறார்கள். ப்ரியா ஆனந்த் முதல் முறையாக விஜய் படத்தில் நடிக்கிறார். இந்நிலையில் தான் விக்ரம் படத்தில் வந்த ஏஜென்ட் டீனா நடிப்பது தெரிய வந்தது. விஜய் படக்குழு காஷ்மீருக்கு கிளம்பிச் சென்றபோது எடுக்கப்பட்ட வீடியோவை இன்று மதியம் வெளியிட்டார்கள். அதில் தான் ஏஜென்ட் டீனா இருந்தார்.
Thalapathy 67, Agent Tina: தாறுமாறு டிரெண்டில் ஏஜென்ட் டீனா: தளபதி 67 கதை தெரிஞ்சுடுச்சே
ரூ. 300 கோடிThalapathy 67, Varisu: ரூ. 300 கோடிப்பு: வாரிசு வசூலை முந்திய தளபதி 67?விஜய்யின் வாரிசு படம் ரூ. 300 கோடி வசூலை நோக்கி சென்று கொண்டிருக்கிறது. இந்நிலையில் தளபதி 67 படத்தின் சாட்டிலைட் மற்றும் டிஜிட்டம் உரிமம் மட்டுமே ரூ. 300 கோடிக்கு சென்றிருப்பதாக தகவல் வெளியாகியுள்ளது. சாட்டிலைட் உரிமத்தை சன் டிவியும், டிஜிட்டல் உரிமையை நெட்ஃப்ளிக்ஸும் வாங்கியிருக்கிறது.
எல்.சி.யூ.ப்ரொமோ வீடியோவை பார்த்தால் லியோ கண்டிப்பாக எல்.சி.யூ. கதை போன்று தெரிகிறது. ப்ரொமோ எல்லாம் சரி. படம் வந்தால் தான் இது வெறும் பில்ட் அப்பா இல்லை நிஜமான சம்பவமா என்பது தெரிய வரும். பார்த்து லோகி, தளபதியை வச்சு செஞ்சுடாதீங்க என சினிமா ரசிகர்கள் தெரிவித்துள்ளனர். லியோ படம் மீது பெரும் எதிர்பார்ப்பு இருக்கிறது. அதை லோகேஷ் கனகராஜ் பூர்த்தி செய்வாரா என்பதை பொறுத்திருந்து தான் பார்க்க வேண்டும்.