அஜித் நடிப்பில் வினோத்தின் இயக்கத்தில் சமீபத்தில் துணிவு திரைப்படம் வெளியானது. இவர்கள் கூட்டணியில் கடைசியாக வெளியான வலிமை திரைப்படம் எதிர்பார்த்த வெற்றியை பெற தவறியது. எனவே துணிவு படத்தை மிகப்பெரிய வெற்றிப்படமாக கொடுக்கும் கட்டாயத்தில் இக்கூட்டணி இருந்தது.
அதற்கு ஏற்றாற்போல துணிவு திரைப்படமும் ரசிகர்களின் அமோகமான வரவேற்பை பெற்று மிகப்பெரிய வெற்றியை அடைந்தது. இவ்வெற்றியால் அஜித் உச்சகட்ட மகிழ்ச்சியில் இருப்பதாக தகவல் வந்துள்ளது. இதைத்தொடர்ந்து அஜித் விக்னேஷ் சிவனின் இயக்கத்தில் AK62 படத்தில் நடிப்பதாக இருந்தது.
Rajini: ரஜினியை சுற்றிவளைத்த ரசிகர்கள்..ஜெயிலர் ஷூட்டிங் ஸ்பாட்டில் பரபரப்பு..!
ஆனால் தற்போது விக்னேஷ் சிவனின் கதையில் அஜித் மற்றும் லைக்கா நிறுவனத்திற்கு உடன்பாடு இல்லாததால் விக்னேஷ் சிவனை AK62 படத்திலிருந்து அதிரடியாக நீக்கியது படக்குழு. இதையடுத்து தற்போது AK62 திரைப்படத்தை மகிழ் திருமேனி இயக்குவது கிட்டத்தட்ட உறுதியாகியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் மூத்த பத்திரிகையாளர் ஒருவர் அஜித் ஒரு இயக்குனரை எவ்வாறு தேர்வு செய்கின்றார் என்பது பற்றி பேசியுள்ளார். அவர் கூறியதாவது, அஜித் ஒரு இயக்குனரை முதல்முறையாக சந்திக்கின்றார் என்றார் அவரிடம் பொதுவாக பேசுவாராம். பின்பு பத்து நாட்கள் கழித்து இயக்குனரை சந்திக்கின்றேன் என கூறி அனுப்பிவிடுவாராம் அஜித்.
அதைத்தொடர்ந்து அந்த பத்து நாட்களில் அஜித்திற்கு நல்ல விஷயங்கள் நடந்தாலோ அல்லது விரும்பத்தகாத விஷயங்கள் நடக்காமல் இருந்தாலோ அந்த இயக்குனரின் இயக்கத்தில் நடிக்க சம்மதிப்பாராம்.
ஒருவேளை நேர்மாறாக ஏதேனும் நடந்தால் அது எவ்வளவு பெரிய இயக்குனராக இருந்தாலும் அவரின் இயக்கத்தில் நடிக்கமாட்டாராம் அஜித். இவ்வாறு மூத்த பத்திரிகையாளர் ஒருவர் கூறியுள்ளார் என்பது குறிப்பிடத்தக்கது.