சண்டிகர்: பஞ்சாபின் குருதாஸ்பூர் மாவட்டத்தில் இந்தியா-பாகிஸ்தான் சர்வதேச எல்லையில், எல்லைப்பாதுகாப்பு படை வீரர்கள் ரோந்து பணியில் ஈடுபட்டு இருந்தனர். அப்போது அடியா எல்லை சோதனை சாவடி அருகே நள்ளிரவு டிரோன் ஒன்று கண்டறியப்பட்டது. இதனை தொடர்ந்து வீரர்கள் டிரோனை குறிவைத்து துப்பாக்கி சூடு நடத்தினார்கள். இதனை தொடர்ந்து டிரோன் பாகிஸ்தான் பிராந்தியத்திற்குள் திரும்பி சென்றது. இந்திய எல்லைக்குட்பட்ட பகுதிகளில் டிரோன் விழுந்து கிடக்கிறதா என வீரர்கள் சோதனை நடத்தி வருகின்றனர்.
