வீட்டுக்கு வீடு விறகு அடுப்பு தான் இருக்கும்.. ஆனால் விறகு அடுப்பு என்று ஒன்று இருந்ததா என்று கேட்கும் அளவுக்கு தற்போது காலம் மாறிவிட்டது. காரணம் அனைத்து வீடுகளில் கேஸ் அடுப்பு தான்.. கிராமங்களில் கூட கேஸ் அடுப்பு இல்லாத வீட்டை விரல் விட்டு எண்ணி விடலாம்..சிலிண்டர் காலியாகும் முன்பே செல்போன் மூலம் முன்பதிவு செய்கிறோம். வீட்டிற்கு சிலிண்டர் வந்ததுமே அதனை வாங்கி வைத்துவிடுகிறோம். அதே போல் கடலூரில் ஒருவர் சிலிண்டர் காலியானதையடுத்து புது சிலிண்டர் புக் செய்துள்ளார். அதன் பின் தான் அவருக்கு காத்திருந்த பேரதிர்ச்சி.
வெளிச்செம்மண்டலம் பகுதியை சேர்ந்தவர் மதியழகன். இவருடைய வீட்டு சமையலறையில் கேஸ் சிலிண்டர் இருக்கும் பகுதியிலிருந்து தொடர்ந்து சத்தம் கேட்டுக் கொண்டே இருந்தது.இதனால் அந்த பகுதிக்கு சென்ற பார்த்த அவருக்கு அதிர்ச்சி காத்திருந்தது. சிலிண்டருக்கு கீழே இருக்கும் சிறு துவாரம் வழியாக எட்டிப் பார்த்த பாம்பு படம் எடுத்ததைக் கண்டு நடுங்கினார் மதியழகன்.
உடனடியாக கடலூர் பாம்பு ஆர்வலர் செல்லாவிற்கு தகவல் கொடுக்க, செல்ல அங்கு சென்று பார்த்தார். பாம்பு இருக்கின்ற இடமே தெரியாத நிலையில் அமைதியாக பதுங்கிக் கொண்டது. அதனைத் தொடர்ந்து சிலிண்டரை வெளியில் எடுத்து கவுத்துப் பார்த்தார் அப்போதும் தெரியவில்லை.
பின்னர் மெல்ல அந்த சிலிண்டரின் கீழ்பகுதியில் இருந்து எட்டிப் பார்த்த நல்ல பாம்பு படம் எடுத்ததை கண்டு வீட்டில் இருந்தவர்கள் அலறினார்கள்.
பாம்பை லாவகமாக பிடித்த செல்லா அதனை ஆசுவாசப்படுத்தி பாட்டிலில் அடைத்து காப்பு காட்டில் சென்று விட்டார். சிலிண்டருக்கு கீழே இருந்து நல்ல பாம்பு வெளியில் படம் எடுத்து ஆடும் காட்சி தற்போது சமூக வலைதளங்களில் வைரலாகி வருகிறது. இதனால் சிலிண்டர் வாங்கும் பொதுமக்கள் அனைத்து இடங்களையும் சோதித்து பார்த்த பிறகே வாங்குங்கள்.