Privacy Sandbox வசதியை ஆண்ட்ராய்டு 13 OS மூலமாக இயங்கும் சில முன்னணி ஸ்மார்ட்போன்களில் மட்டும் அறிமுகம் செய்யப்படும். இந்த வசதி OS அப்டேட் மூலம் வழங்கப்படும் என்றாலும் அதற்கு முன்னதாக அவர்களுக்கு நோட்டிபிகேஷன் கிடைக்கும்.
இந்த வசதி மூலமாக இனி நமது போன் பயன்பாட்டை யாரும் ட்ரேக் செய்யமுடியாது. நாம் இணையத்தில் பல விஷயங்களை தேடுவோம் அப்போது இணையத்தில் இருக்கும் ட்ராக் செய்யும் விளம்பர நிறுவனங்கள் நாம் தேடும் விஷயங்களை அறிந்து நமக்கு விளம்பரங்களை அனுப்புவார்கள். இந்த வசதி அறிமுகம் ஆனதும் நம்மை யாரும் கண்காணிக்கமுடியாது. இதனால் ஆப்பிள் போன்றே ஆண்ட்ராய்டு போன்களிலும் தனியுரிமை பாதுகாக்கப்படும்.
Privacy Sandbox என்றால் என்ன?
இந்த API ஆப்பிள் நிறுவனத்தின் App Tracking போன்றே இருக்கும். இந்த வசதி மூலமாக ஐபோன் பயனர்கள் எந்தெந்த நிறுவனங்கள் அவர்களின் தேடல்களை ட்ராக் செய்யமுடியும் என்பதை முடிவு செய்யலாம். மேலும் அவர்களை ட்ராக் செய்யவேண்டும் என்றால் முதலில் பயனர்களிடம் அனுமதி பெறவேண்டும்.
இதற்கு முன்னதாக இந்த Privacy Sandbox வசதி
Google
Chrome கருவியில் மட்டுமே இருந்தது. இதனால் ஆண்ட்ராய்டு போன்களில் தனிப்பட்ட விளம்பரங்களை பார்க்கமுடியும். இந்த புதிய API மூலமாக எந்த ஒரு தனிப்பட்ட விளம்பர நிறுவனங்களுக்கும் முன்னுரிமை அளிக்கப்படாது. அனைத்து விளம்பர நிறுவனங்களுக்கும் சமமான அளவு உரிமை அளிக்கப்படும்.
இந்த Privacy Sandbox உருவாக்க முக்கிய காரணம் தனியுரிமை பாதுகாப்புடன் விளம்பரங்களை பயனர்களிடம் காட்டுவதே ஆகும். இது சோதனையில் இருப்பதால் தற்போது இருக்கும் விளம்பர நிறுவனங்கள் இன்னும் 2 ஆண்டுகள் வேலை செய்ய அனுமதி அளிக்கப்படும் என்று கூகுள் தெரிவித்துள்ளது.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்