ரஜினி
சிவகார்த்திகேயன் தமிழ் சினிமாவில் மளமளவென ஹிட் படங்களை கொடுத்து முன்னணி நடிகராக வலம் வருகின்றார் சிவகார்த்திகேயன். சின்னத்திரையில் துவங்கிய இவரது பயணம் தற்போது வெள்ளித்திரையில் வெற்றிகரமாக போய்க்கொண்டிருக்கிறது. மெரினா படத்தின் மூலம் அறிமுகமான சிவகார்த்திகேயன் எதிர் நீச்சல், வருத்தப்படாத வாலிபர் சங்கம் , ரஜினி முருகன் , ரெமோ என தொடர் வெற்றிகளை கொடுத்து ரசிகர்களின் மனதில் இடம்பிடித்தார் . இடையில் சில தோல்விகளினால் துவண்டிருந்த சிவகார்த்திகேயன் டாக்டர் , டான் ஆகிய படங்களின் பிரம்மாண்ட வெற்றியின் மூலம் மீண்டும் உத்வேகம் பெற்றார். தற்போது மண்டேலா படப்புகழ் அஸ்வினின் இயக்கத்தில் மாவீரன் படத்தில் நடித்து வருகின்றார்
பலமுகம் சிவகார்த்திகேயன் ஒரு நடிகராக மட்டுமல்லாமல் தயாரிப்பாளர், பாடகர், பாடலாசிரியர் என பலமுகம் கொண்டவராக வலம் வருகின்றார். சொந்தமாக தயாரிப்பு நிறுவனம் துவங்கி சில படங்களை தயாரித்த சிவகார்த்திகேயன் அவ்வப்போது பாடல்களையும் எழுதி வருகின்றார். இவர் நடிக்கும் படங்களில் மட்டுமல்லாமல் மற்ற ஹீரோக்களின் படங்களுக்கும் பாடல்களை எழுதுவதை வழக்கமாக கொண்டுள்ளார் சிவகார்த்திகேயன். அந்த வகையில் கோலமாவு கோகிலா, பீஸ்ட் போன்ற படங்களில் இவர் எழுதிய பாடல்கள் செம ஹிட்டடித்தது. இதைத்தொடர்ந்து அவர் நடிக்கும் படங்களிலும் பல பாடல்களை எழுதி வருகின்றார் சிவகார்த்திகேயன்
எதிர்பார்ப்பு சிவகார்த்திகேயன் மற்றும் இயக்குனர் நெல்சன் நெருங்கிய நண்பர்கள் ஆவார்கள். நெல்சனிடம் ஆரம்பகாலகட்டத்தில் உதவி இயக்குனராக பணியாற்றினார் சிவகார்த்திகேயன். அதன் பிறகு நெல்சன் இயக்கிய முதல் படமான கோலமாவு கோகிலா படத்தில் கல்யாண வயசு பாடலை பாடி ஹிட் கொடுத்தார் சிவகார்த்திகேயன். அதைத்தொடர்ந்து இவர்கள் கூட்டணியில் உருவான டாக்டர் திரைப்படம் மாபெரும் வெற்றிப்படமாக அமைந்தது. இதையடுத்து நெல்சன் விஜய்யை வைத்து இயக்கிய பீஸ்ட் படத்தில் அரபிக் குத்து பாடலை எழுதினார் சிவகார்த்திகேயன். இவ்வாறு நெல்சனின் ஒவ்வொரு படங்களிலும் சிவகார்த்திகேயனின் பங்கு இருந்து வரும் நிலையில் தற்போது நெல்சன் மற்றும் ரஜினி கூட்டணியில் உருவாகும் ஜெயிலர் படத்திலும் சிவகார்த்திகேயனின் பங்கு இருக்கும் என ரசிகர்களால் எதிர்பார்க்கப்பட்டது
வாய்ப்பு சிவகார்த்திகேயன் ரஜினியின் தீவிர ரசிகர் என்பதால் தன் நண்பர் இயக்கும் ஜெயிலர் படத்தில் சிவகார்த்திகேயன் நடிக்கும் வாய்ப்பு அதிகம் என சிலர் பேசி வந்தனர். ஆனால் அது நடக்கவில்லை. இந்நிலையில் தற்போது நெல்சன் இயக்கிவரும் ஜெயிலர் திரைப்படத்தில் ரஜினிக்காக ஒரு பாடலை சிவகார்த்திகேயன் எழுதியுள்ளாராம். ரஜினியின் படத்தில் தன் பங்கு இருக்கவேண்டும் என எண்ணிக்கொண்டிருந்த சிவகார்த்திகேயன் இந்த வாய்ப்பை சரிவர பயன்படுத்தி சிறப்பான பாடலை ரஜினிக்கு வழங்குவார் என எதிர்பார்க்கப்படுகின்றது குறிப்பிடத்தக்கது.