தனுஷ்
தனுஷ் தமிழ் சினிமா மட்டுமல்லாது பாலிவுட், ஹாலிவுட் வரை சென்று ஒரு நடிகராக வெற்றிக்கொடி நாட்டியவர் தான் தனுஷ். தமிழில் துள்ளுவதோ இளமை படத்தின் மூலம் அறிமுகமான தனுஷ் பார்க்காத விமர்சனங்களே இல்லை எனலாம். அந்த அளவிற்கு கடுமையான விமர்சனங்களை கடந்து தனுஷ் இன்று இந்தளவிற்கு வளர்த்துள்ளார் என்றால் அதற்கு அவரின் கடின உழைப்பு தான் காரணம். எந்த விதமான கதாபாத்திரமாக இருந்தாலும் அக்கதாபாத்திரமாகவே வாழக்கூடியவர் தான் தனுஷ். அதன் காரணமாக பல விருதுகளுக்கு சொந்தக்காரரான தனுஷ் இரண்டு தேசிய விருதுகளையும் பெற்றுள்ளார்.
வெற்றிப்பாதை தனுஷ் என்னதான் முன்னணி நடிகராக இருந்தாலும் அவரின் திரைப்படங்கள் தொடர்ந்து தோல்வியை சந்தித்து வந்தது. அந்த சமயத்தில் தான் கடந்தாண்டு மித்ரன் ஜவஹர் இயக்கத்தில் வெளியான திருச்சிற்றம்பலம் திரைப்படம் மிகப்பெரிய வெற்றியை தனுஷிற்கு தேடி தந்தது. அதைத்தொடர்ந்து வெளியான நானே வருவேன் திரைப்படமும் ரசிகர்களிடம் நல்ல வரவேற்பை பெற்றது. இந்நிலையில் தற்போது தனுஷ் தமிழ் மற்றும் தெலுங்கில் நடித்துள்ள வாத்தி திரைப்படம் வெளியாகி ரசிகர்களின் அமோகமான வரவேற்பை பெற்றுள்ளது. கல்வியை பற்றி பேசியுள்ள இப்படம் பொதுவான ரசிகர்களிடம் நல்ல வரவேற்பை பெற்று இதுவரை ஐம்பது கோடிக்கு மேல் வசூலித்துள்ளது. எனவே திருச்சிற்றம்பலம் படத்தை தொடர்ந்து தனுஷிற்கு வாத்தி திரைப்படமும் மிகப்பெரிய வெற்றிப்படமாக அமையும் என எதிர்பார்க்கப்படுகின்றது. இந்நிலையில் இப்படத்தை அடுத்து தனுஷ் அருண் மாதீஸ்வரன் இயக்கத்தில் கேப்டன் மில்லர் படத்தில் நடித்து வருகின்றார்.
புதிய வீடு தனுஷிற்கு பல ஆண்டுகளாக போயஸ் கார்டனில் வீடு கட்டவேண்டும் என்ற கனவு இருந்து வந்தது. அதற்கான பணியிலும் ஈடுபட்டு வந்த தனுஷ் தன் முன்னாள் மாமனார் ரஜினியின் வீட்டிற்கு அருகாமையில் 20 கோடி மதிப்பில் ஒரு மனையை வாங்கினார். இதையடுத்து கடந்த 2021 ஆம் ஆண்டு வீடு கட்டுவதற்கான மனப்பூஜை நடைபெற்றது. இதில் ரஜினிகாந்தும் கலந்துகொண்டார். இந்நிலையில் இந்த மனையில் தனக்கு பிடித்தமாதிரியான வீட்டை கட்டி தான் மனைவி மற்றும் பிள்ளைகளுடன் குடியேற நினைத்தார் தனுஷ். ஆனால் அதற்குள் அவருக்கும் ஐஸ்வர்யாவிற்கும் கருத்து வேறுபாடு ஏற்படவே இருவரும் பிரிந்தனர்.இந்நிலையில் தற்போது தன் ஆசைப்படி அந்த வீட்டை மிகப்பிரமாண்டமாக கட்டி முடித்த தனுஷ் தன் அப்பா அம்மாவுடன் அந்த வீட்டில் குடியேறியுள்ளார்
வசதிகள் கிட்டத்தட்ட 150 கோடியில் தனுஷ் கட்டியுள்ள அந்த பிரமாண்டமான வீட்டில் பல வசதிகள் இருக்கின்றதாம். வீட்டினுள்ளேயே ஹைடெக் உடற்பயிற்சி நிலையம், உள்விளையாட்டு அரங்கு, ஹோம் தியேட்டர் போன்ற வசதிகள் இருக்கின்றதாம். மேலும் அனைவர்க்கும் தனி தனி அறைகள் ஒதுக்கி அதில் ரிமோட் மூலம் அனைத்து வசதிகளும் செய்து தரப்பட்டுள்ளதாம். இதைதொடர்ந்து வீட்டில் உள்ள அனைத்து அறையிலும் பல லட்சங்கள் செலவு செய்து இன்டீரியர் வேலைகளை செய்துள்ளார். மேலும் வீட்டில் உள்ள சில பொருட்கள் வெளிநாட்டிலிருந்து இறக்குமதி செய்யப்பட்டுள்ளதாம்.இவ்வாறு பல ஹைடெக் வசதிகளை கொண்ட இந்த வீட்டில் தனுஷ் தன் தாய் தந்தை மற்றும் பிள்ளைகளுடன் குடியேறியுள்ளார் என்பது குறிப்பிடத்தக்கது