Mayilsamy character: அடுத்தவர்களுக்கு உதவி செய்ய நகைகளை அடமானம் வைத்திருக்கிறார் மயில்சாமி. அது குறித்து அவருக்கு நெருக்கமானவர்கள் தெரிவித்தனர்.
மயில்சாமிமயில்சாமி நல்ல நடிகர் மட்டும் அல்ல, நல்ல மனிதரும் கூட. சிவபக்தரான மயில்சாமி சிவராத்திரி அன்று உடல்நலக் குறைவால் காலமானார். அவருக்கு வயது 57. இரண்டு முறை இதய அறுவை சிகிச்சை செய்யப்பட்ட நிலையில் நேற்று அதிகாலை அவருக்கு நெஞ்சுவலி ஏற்பட்டு மருத்துவமனைக்கு செல்லும் வழியிலேயே உயிர் பிரிந்துவிட்டது.
உதவிமயில்சாமி இறந்தாலும் அவரின் நடிப்பும், அவர் செய்த தான தர்மங்களும் அவரின் பெயர் சொல்லும். தான் வசித்து வந்த சாலிகிராமம் பகுதி மக்களுக்கு ஏராளமான உதவிகளை செய்திருக்கிறார் மயில்சாமி. சென்னையில் மழை வெள்ளம் ஏற்பட்டபோது சாலிகிராமம் மக்களுக்கு உதவியிருக்கிறார். தன் வீட்டின் அருகிலேயே சமைத்து பாதிக்கப்பட்டவர்களின் வீடுகளுக்கு சென்று உணவு வழங்கியிருக்கிறார்.
Mayilsamy:தமிழக சட்டசபை துணை சபாநாயகர் தான் மயில்சாமியின் சம்பந்தி, ஆனால்…
கடன்கொரோனா வைரஸ் பிரச்சனையால் லாக்டவுன் அமல்படுத்தப்பட்டதால் மக்கள் பெரிதும் பாதிக்கப்பட்டார்கள். அப்பொழுது பலருக்கு உணவுப் பொருட்கள் வாங்கிக் கொடுத்துள்ளார். சமையலுக்கு தேவையான பொருட்களை வீடு தேடி சென்று கொடுத்திருக்கிறார். கையில் இருந்த பணம் எல்லாம் செலவானதும் கடன் வாங்கியிருக்கிறார். மேலும் வீட்டில் இருந்த நகைகளை அடகு வைத்து உதவி செய்திருக்கிறார் மயில்சாமி.
தேவையா?கொரோனா வைரஸ் பிரச்சனை ஏற்பட்டபோது அடகு வைத்த நகைகளை அண்மையில் தான் மீட்டிருக்கிறார் மயில்சாமி. அவர் இப்படி அடுத்தவர்களுக்கு உதவி செய்ய காசை தண்ணீராக செலவு செய்ததை பார்த்த சிலர் அறிவுரை வழங்கியிருக்கிறார். கடன் வாங்கி உதவி செய்ய வேண்டுமா என மயில்சாமியிடம் கேட்டிருக்கிறார்கள்.
பணம்தனக்கு அறிவுரை வழங்கியவர்களிடம் மயில்சாமி கூறியதாவது, நான் இருக்கும்வரை என்னால் முடிந்த உதவியை மற்றவர்களுக்கு செய்வேன். நான் வந்தபோது எதையும் எடுத்து வரவில்லை. போகும்போதும் எதையும் கொண்டு செல்லப் போவது இல்லை. அதனால் உதவி செய்ய கணக்கு பார்க்க மாட்டேன் என தெரிவித்திருக்கிறார். மயில்சாமி செய்த உதவிகள் குறித்து அறிந்தவர்கள் அவரை பற்றி பெருமையாக பேசி வருகிறார்கள்.
Mayilsamy:விடிய விடிய கோவிலில் இருந்துவிட்டு வீட்டிற்கு சென்ற 30 நிமிடத்திற்குள் இறந்த மயில்சாமி
கடைசி ஆசைRajinikanth, Mayilsamy:மயில்சாமியின் கடைசி ஆசையை நிறைவேற்றுவேன்: ரஜினி வாக்குறுதிமயில்சாமியின் கடைசி ஆசை விரைவில் நிறைவேறப் போகிறது. கேளம்பாக்கத்தில் இருக்கும் சிவன் கோவிலில் இருக்கும் சிவலிங்கத்திற்கு ரஜினிகாந்த் பாலாபிஷேகம் செய்ய வேண்டும் என்பதே அவரின் கடைசி ஆசை. ரஜினி பாலாபிஷேகம் செய்வதை தான் பார்க்க ஆசைப்பட்டார் மயில்சாமி. அது நடக்கவில்லை. ஆனால் மயில்சாமிக்காக சிவலிங்கத்திற்கு பாலாபிஷேகம் செய்யப் போகிறார் ரஜினிகாந்த்.
சிவராத்திரிசிவபக்தரான மயில்சாமி சிவராத்திரி அன்று இறந்தது பற்றியும் பேசப்படுகிறது. சிவன் மீது அதிக பக்தி கொண்டதால் அந்த நல்ல நாளில் அவருக்கு மரணம் வந்திருக்கிறது. சிவபாதம் அடைந்துவிட்டார் மயில்சாமி. வாழ்க்கையில் என்ன நடந்தபோதிலும் சிவன் மீதான பக்தியை மட்டும் மயில்சாமி கைவிடவில்லை. திருவண்ணாமலையார் கோவிலுக்கு அடிக்கடி சென்று வந்தவர் மயில்சாமி. இந்த ஆண்டு தான் சிவராத்திரியின் போது திருவண்ணாமலைக்கு செல்லவில்லையாம்.