Dhanush, Rajinikanth: ரஜினியின் ஆசை நிறைவேறியும் அதனால் ஒரு புண்ணியமும் இல்லையே என ரசிகர்கள் வருத்தப்பட்டுக் கொண்டிருக்கிறார்கள்.
ரஜினிசூப்பர் ஸ்டார் ரஜினிகாந்துக்கு தன் பேரன்கள் யாத்ரா, லிங்காவுடன் நேரம் செலவிடுவது என்றால் மிகவும் பிடிக்கும். அவர்களை பள்ளியில் இருந்து அழைத்து வரவும் செய்வார். பேரன்களை பார்க்க தனுஷ், ஐஸ்வர்யா குடியிருந்த அடுக்குமாடி குடியிருப்புக்கு செல்லும்போது எல்லாம் கூட்டம் கூடியது. இதனால் ரஜினி சங்கடப்பட்டார். மேலும் தன் பேரன்கள் தான் வசிக்கும் இடத்திற்கு அருகிலேயே இருக்க வேண்டும் என நினைத்தார்.
வீடுபோயஸ் கார்டனில் வீடு கட்டும் தனுஷ்: பூமி பூஜையில் பங்கேற்ற ரஜினிமாப்ள, போயஸ் கார்டனிலேயே ஒரு பங்களா கட்டி வந்துடுங்களேன். பேரன்களை அடிக்கடி பார்த்துக்கலாம் என தனுஷிடன் கூறியிருக்கிறார் ரஜினி. இதையடுத்தே ரஜினி வீட்டிற்கு அருகிலேயே நிலம் வாங்கி பங்களா கட்டும் வேலையை துவங்கினார் தனுஷ். கடந்த 2021ம் ஆண்டு நடந்த பூமி பூஜையில் ரஜினியும், லதாவும் கலந்து கொண்டார்கள். இந்நிலையில் பங்களா கட்டும் வேலை முடிந்துவிட்டது.
தனுஷ்- ஐஸ்வர்யாபங்களா கட்டத் துவங்கியபோது ஒன்றாக இருந்த தனுஷும், ஐஸ்வர்யாவும் கட்டுமான வேலை முடிவதற்குள் பிரிந்துவிட்டார்கள். தனுஷை பிரிந்த ஐஸ்வர்யாவோ மகன்களை அழைத்துக் கொண்டு அப்பாவின் போயஸ் கார்டன் பங்களாவுக்கு சென்றுவிட்டார். இந்நிலையில் தனுஷ் புதுமனை புகுவிழாவை நடத்தியிருக்கிறார். அதில் தனுஷ், அவரின் பெற்றோர் கலந்து கொண்டார்கள்.
பங்களாதான் கட்டியிருக்கும் புது பங்களாவை தன் அம்மா, அப்பாவுக்கு பரிசாக அளித்துவிட்டார் தனுஷ். புதுமன புகுவிழாவில் ஐஸ்வர்யாவோ, ரஜினியோ, லதாவோ கலந்து கொள்ளவில்லை. போயஸ் கார்டனில் தனுஷ் பங்களா கட்டி குடியேற வேண்டும் என்கிற ரஜினியின் ஆசை நிறைவேறிவிட்டது. ஆனால் அந்த பங்களாவில் அவர் ஐஸ்வர்யா, மகன்களுடன் சேர்ந்து வசிக்கப் போவது இல்லை.
ரசிகர்கள்தனுஷ் போயஸ் கார்டன் வீட்டில் குடும்பத்துடன் வந்து வசிப்பார், பேரன்களுடன் இருக்கலாம் என்கிற ரஜினியின் ஆசை இப்படியா நிறைவேற வேண்டும் என ரசிகர்கள் வருத்தப்படுகிறார்கள். எதிர்வீட்டில் பேரன்கள் இருப்பார்கள் என்று நினைத்தால் தந்தையை பிரிந்து தாத்தா வீட்டிற்கே வந்துவிட்டார்கள். இனி போயஸ் கார்டனில் என்ன நடக்கப் போகிறதோ என்கிறார்கள் ரசிகர்கள்.
மீண்டும்தனுஷும், ஐஸ்வர்யாவும் பிரிந்துவிட்டாலும் மகன்களில் பள்ளியில் எந்த விழாவாக இருந்தாலும் வந்துவிடுகிறார்கள். அவர்கள் மீண்டும் சேர்ந்து வாழ வேண்டும் என்பதே ரஜினியின் ஆசை. யார் கண்டது, எதிர்வீட்டில் இருந்து மீண்டும் காதல் உருவாகலாம். தனுஷும், ஐஸ்வர்யாவும் சேரலாம். அதை பார்த்து தலைவர் சந்தோஷப்படலாம். பாசிட்டிவாக யோசிக்கலாமே என ரசிகர்கள் தெரிவித்துள்ளனர்.
கெரியர்கெரியரை பொறுத்தவரை நெல்சன் திலீப்குமார் இயக்கத்தில் ஜெயிலர் படத்தில் நடித்து வருகிறார் ரஜினிகாந்த். தனுஷோ அருண் மாதேஸ்வரன் இயக்கத்தில் கேப்டன் மில்லர் படத்தில் நடித்துக் கொண்டிருக்கிறார். இந்நிலையில் வெங்கி அட்லூரி இயக்கத்தில் தனுஷ் நடித்த வாத்தி படம் பிப்ரவரி 17ம் தேதி வெளியாகி ரசிகர்களை கவர்ந்துள்ளது. அந்த படம் தெலுங்கில் சார் என்கிற பெயரில் ரிலீஸாகி அக்கட தேசத்து ரசிகர்களை குஷிபடுத்தியிருக்கிறது. ஐஸ்வர்யாவோ விஷ்ணு விஷால், விக்ராந்த் உள்ளிட்டோரை வைத்து லால் சலாம் படத்தை இயக்கி வருகிறார்.