வாரிசு படம் ரிலீஸ் ஆகி வசூலை குவித்த நிலையில் நடிகர் விஜய் தனது 67 வது படமான லியோ படத்தின் படப்பிடிப்பில் பங்கேற்றுள்ளார். லியோ படத்தை ஏற்கனவே விஜய்யின் மாஸ்டர் படத்தை இயக்கிய லோகேஷ் கனகராஜ் தான் இயக்கி வருகிறார். இப்படத்தில் விஜய்க்கு ஜோடியாக த்ரிஷா நடித்து வருகிறார். இதற்கு முன்பு விஜய் – த்ரிஷா கூட்டணியில் வெளியான படங்கள் செம்ம ஹிட்டான நிலையில் 14 வருடங்களுக்கு பிறகு மீண்டும் இந்தப் படத்தில் இருவரும் இணைந்து பணியாற்றி வருகின்றனர்.
Mayilsamy: மயில்சாமியின் மரணத்திற்கு காரணம் இதுதானா? மருத்துவர்கள் கூறிய பகீர் தகவல்!
மேலும் லியோ படத்தில் பாலிவுட் நடிகர் சஞ்சய் தத், மலையாள நடிகர் மேத்யூ தாமஸ், இயக்குநர்கள் மிஷ்கின், கவுதம் வாசுதேவ் மேனன், நடிகர்கள் அர்ஜுன், மன்சூர் அலிகான், சாண்டி மாஸ்டர், நடிகை பிரியா ஆனந்த் என பெரும் பட்டாளமே இப்படத்தில் நடித்து வருகிறது. இப்படத்தின் படப்பிடிப்பு காஷ்மீரில் நடைபெற்று வருகிறது. காஷ்மீரில் கடுமையான குளிரும் பனிப்பொழிவும் நிலவி வரும் நிலையில் கதைக்கு ஏற்ற சூழல் இதுதான் என்பதால் விடாப்பிடியாக படப்பிடிப்பை நடத்தி வருகின்றனர் படக்குழுவினர்.
அவ்வப்போது காஷ்மீரில் இருந்து படக்குழுவினர் வெளியிடும் போட்டோக்களும் இணையத்தில் வெளியாகி வைரலாகி வருகிறது. சமீபத்தில் விஜய், லோகேஷ் கனகராஜ், கவுதம் மேனன் உட்பட படக்குழுவினர் கேம்ப் ஃபயர் செய்த போட்டோக்களை வெளியிட்டனர். அந்த போட்டோக்கள் இணையத்தை தெறிக்கவிட்டது. அதனை தொடர்ந்து காதலர் தினத்தை முன்னிட்டு நடிகை த்ரிஷா, தனது உதவியாளர்களுடன் எடுத்த போட்டோவை வெளியிட்டார்.
Mohan G: ‘என் புருஷன் ஜாதி வெறியனா? அரெஸ்ட்டானாலும் நான் பெயில்ல எடுப்பேன்’.. கொதிக்கும் இயக்குநரின் மனைவி!
தொடர்ந்து மகா சிவராத்திரியை முன்னிட்டு காஷ்மீரில் உள்ள சிவன் கோவிலில் நடிகை த்ரிஷா அபிஷேகம் செய்து வழிபட்ட வீடியோ வெளியானது. இந்நிலையில் பிரபல நடிகர் ஷேர் செய்துள்ள போட்டோவையும் வீடியோவையும் பார்த்த நெட்டிசன்கள் ஷாக்காகியுள்ளனர். அதாவது பிரபல லெஜண்ட் சரவணா ஸ்டோர் உரிமையாளரான லெஜண்ட் சரவணன், தற்போது காஷ்மீரில் உள்ளார்.
காஷ்மீரில் லக்ஸுரியஸ் ஹோட்டலில் தங்கியுள்ள அவர், ஹோட்டல் அறையை சுற்றி சுற்றியும் ஜன்னல் வழியாக காஷ்மீரின் பனிப்படர்ந்த அழகையும் வீடியோ எடுத்துள்ளார். அதனை தனது சோஷியல் மீடியா பக்கத்தில் ஷேர் செய்துள்ளார் லெஜண்ட் சரவணன். மேலும் பேக் கிரவுண்டில் பனிப் படர்ந்திருக்க கெத்தாய் போஸ் கொடுத்திருக்கும் போட்டோவையும் ஷேர் செய்துள்ளார் லெஜண்ட் சரவணன்.
Mayilsamy: மயில்சாமியின் சொத்து மதிப்பு இத்தனை கோடிகளா? தீயாய் பரவும் தகவல்!
இதனை பார்த்த நெட்டிசன்கள் லெஜண்ட் சரவணன், விஜய்யின் லியோ படத்தில் இணைந்துள்ளார் என பரப்பி வருகின்றனர். இன்னும் பலர் ஓய்வை செமயாய் கொண்டாடுங்கள் என்றும் கூறி வருகின்றனர். இதனமூலம் காஷ்மீரில் தற்போது க்ளைமேட் அருமையாக உள்ளதால் லெஜண்ட் சரணவனன் அதனை அனுபவிக்க சென்றிருக்கலாம் என கூறி வருகின்றனர். அதேநேரத்தில் உண்மையிலேயே லெஜண்ட் படத்தில் கெஸ்ட் அப்பியரன்ஸ் கொடுக்கிறீர்களா ? என கேட்டு வருகின்றனர்.