நெல்சனின் ‘ஜெயிலர்’ படம் விறுவிறுப்பாக உருவாகி வருகிறது. ‘அண்ணாத்த’ படத்திற்கு பிறகு உருவாகும் ரஜினியின் படம் என்பதால் ரசிகர்கள் எக்கச்சக்க எதிர்பார்ப்பில் இருக்கின்றனர். இந்தப்படம் ஆரம்பித்ததில் இருந்து சிவகார்த்திகேயன் ஜெயிலரில் நடிப்பதாகவும், பாட்டு எழுதுவதாகவும் பேச்சுக்கள் எழுந்தது. இந்நிலையில் இதுக்குறித்து சிவகார்த்திகேயனே தற்போது விளக்கமளித்துள்ளார்.
‘ஜெயிலர்’ படப்பிடிப்பு கடந்த சில மாதங்களாகவே விறுவிறுப்பாக நடந்து வருகிறது. ரஜினி நடிப்பில் கடைசியாக வெளியான ‘அண்ணாத்த’ படத்தினை சிறுத்தை சிவா இயக்கியிருந்தார். இந்தப்படம் வசூல் ரீதியாக வரவேற்பை குவித்தாலும் ரசிகர்களின் எதிர்பார்ப்பினை முழுவதுமாக பூர்த்தி செய்யவில்லை. இதனால் ‘ஜெயிலர்’ படத்தினை ரசிகர்கள் அதிகம் எதிர்பார்த்து காத்து கொண்டிருக்கின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கோலமாவு கோகிலா, டாக்டர் போன்ற டார்க் காமெடி படங்களை இயக்கிய நெல்சனுடன் ரஜினி இணைந்துள்ளது கோலிவுட் வட்டாரத்தில் எதிர்பார்ப்பை கிளப்பியுள்ளது. மேலும், நெல்சன் இயக்கத்தில் கடைசியாக வெளியான ‘பீஸ்ட்’ படம் எதிர்பார்த்த வெற்றியை பெறாததால் ‘ஜெயிலர்’ படத்தினை எப்படியாவது ஹிட்டாக்கி விட வேண்டும் என்ற முனைப்புடன் செயல்பட்டு வருகிறார் நெல்சன் திலீப்குமார்.
இந்நிலையில் ‘ஜெயிலர்’ பட அறிவிப்பு வெளியானதில் இருந்தே சிவகார்த்திகேயன் இந்தப்படத்தில் நடிப்பார் என கூறப்பட்டது. ஆனால் இதுகுறித்து தகவல் உறுதி செய்யப்படாத நிலையில் ஜெயிலரில் அவர் பாடல் எழுதுவதாக தகவல்கள் வெளியானது. ஏனென்றால் விஜய் நடிப்பில் நெல்சன் இயக்கிய ‘பீஸ்ட்’ படத்தில் சிவகார்த்திகேயன் ‘அரபிக்குத்து’ பாடலை எழுதியிருந்தார்.
Pathu Thala:சிம்புவை இதுல இழுக்காதீங்க: கடுப்பான ‘பத்து தல’ இயக்குனர்.!
இதனால் ‘ஜெயிலர்’ படத்திலும் அவர் எழுதுவதாக கூறப்பட்டது. இதுக்குறித்து தற்போது விளக்கமளித்துள்ள சிவகார்த்திகேயன், ஜெயிலரில் தான் நடிக்கவும், பாடல் எழுதவும் இல்லை என தெரிவித்துள்ளார். மேலும், நெல்சன் திலீப்குமார் இயக்கத்தில் வெளியான படங்களில் ‘ஜெயிலர்’ தரமான படமாக இருக்கும் எனவும் தெரிவித்துள்ளார். இதனால் ரசிகர்கள் எக்கச்சக்க எதிர்பார்ப்பில் இருக்கின்றனர்.
LEO: ‘லியோ’ படத்திற்காக வெறித்தனமாக தயாராகும் பிரபலம்: தரமான சம்பவம் இருக்கும் போல.!
‘ஜெயிலர்’ படத்தில் ரஜினியுடன் ரம்யா கிருஷ்ணன், விநாயகன், வசந்த் ரவி, தமன்னா, யோகி பாபு ஆகியோர் நடிக்கின்றனர். மேலும் மலையாள நடிகர் மோகன்லால், தெலுங்கு நடிகர் சுனில், கன்னட நடிகர் சிவராஜ்குமார், பாலிவுட் நடிகர் ஜாக்கி ஷெரஃப் உள்ளிட்ட பல மொழிகளை சேர்ந்த பிரபலங்களும் இந்தப்படத்தில் நடிக்கின்றனர். சன் பிக்சர்ஸ் தயாரிக்கும் இந்தப்படத்திற்கு அனிருத் இசையமைப்பது குறிப்பிடத்தக்கது.
Dada, Kavin: நான் தனுஷ் பேசுறேன்.. திடீரென வந்த போன் கால்: நெகிழ்ந்து போன கவின்..!