கடந்த வருடம் வெளியாகி மிகப்பெரிய வரவேற்பை பெற்ற ‘லவ் டுடே’ படத்தினை போன்றே கவினின் ‘டாடா’ படமும் ரசிகர்கள் மத்தியில் நல்ல வரவேற்பை பெற்று வருகிறது. நீண்ட காலமாக ஒரு மிகப்பெரிய வெற்றிக்காக காத்து கொண்டிருந்த கவினுக்கு இந்தப்படம் அமோகமான துவக்கத்தை கொடுத்துள்ளது. இந்நிலையில் ‘டாடா’ படத்திற்காக நடிகர் தனுஷிடமிருந்து கிடைத்துள்ள வாழ்த்து குறித்து எமோஷனலாக பதிவு ஒன்றை பகிர்ந்துள்ளார் கவின்.
சின்னத்திரையில் வெள்ளித்திரைக்குள் பலர் நுழைந்தாலும், அதில் சிலர் மட்டுமே வெற்றி பெறுகின்றனர். அந்த வரிசையில் கவினும் இணைந்துள்ளார். சின்னத்திரை தொடர்கள் மூலம் ரசிகர்கள் மத்தியில் பிரபலமான கவினுக்கு கமல் தொகுத்து வழங்கிய பிக்பாஸ் மிகப்பெரிய திருப்புமுனையாக அமைந்தது. இந்த நிகழ்ச்சி கவினுக்கு ஏராளமான ரசிகர்கள் பட்டாளத்தை கொடுத்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
பிக்பாஸ் மூன்றாவது சீசனுக்கு பிறகு கவினின் நடிப்பில் ‘லிப்ட்’ என்ற படம் வெளியானது. ஹாரர் த்ரில்லர் படமாக வெளியான இந்தப்படத்தில் அம்ரிதா ஹீரோயினாக நடித்தார். ‘லிப்ட்’ படத்திற்கு கிடைத்த வரவேற்பை தொடர்ந்து ‘ஆகாச வாணி’ என்ற வெப் தொடரில் நடித்தார். இந்த சீரிஸும் ரசிகர்களிடம் பாசிட்டிவ் விமர்சனங்களை பெற்றது.
இதனையடுத்து தற்போது கவின் நடிப்பில் ‘டாடா’ என்ற படம் வெளியாகியுள்ளது. கடந்த பிப்ரவரி 10 ஆம் தேதி வெளியான இந்தப்படத்தை அறிமுக இயக்குனர் கணேஷ் பாபு என்பவர் இயக்கியுள்ளார். அபர்ணா தாஸ் ஹீரோயினாக நடித்துள்ள இந்தப்படத்தில் பாக்யராஜ், ஐஸ்வர்யா பாஸ்கரன், விடிவி கணேஷ், பிரதீப் ஆண்டனி, ஹரிஸ் உள்ளிட்டோர் முக்கியமான கதாபாத்திரங்களில் நடித்துள்ளனர்.
Prabhu: நடிகர் பிரபு மருத்துவமனையில் திடீர் அனுமதி: வெளியான அறிக்கை..!
பாசிட்டிவ் விமர்சனங்களை குவிக்கும் ‘டாடா’ பட நாயகன் கவினுக்கு தொலைப்பேசி மூலம் வாழ்த்து தெரிவித்துள்ளார் தனுஷ். இது தொடர்பாக கவின் தனது ட்விட்டர் பக்கத்தில் வெளியிட்டுள்ள அறிக்கையில், ஹாய் கவின் நான் தனுஷ் பேசுறேன். இதைக்கேட்டதும் உன்மைதான என நம்பமுடியாமல் இருந்தேன். உண்மையை சொல்லணும்னா, நான் இன்னும் அந்த தருணத்தில் இருந்து வெளியே வரவில்லை.
AK 62 Update: ஒரு வழியாக கன்பார்மான ‘ஏகே 62’ இயக்குனர்: சம்பவம் ஆரம்பம்.!
டாடா படத்தை பார்த்துவிட்டு தனுஷ் சாரிடமிருந்து அழைப்பை பெறுவது மறக்கவே முடியாத ஒரு தருணம். உங்கள் எல்லா படங்களையும் திரையில் பார்த்தது எனக்கு நினைவிருக்கிறது. உங்கள் சிறந்த திறமையைக் கண்டு வியந்திருக்கிறேன். இன்று, உங்களிடமிருந்து அழைப்பை பெற்றதை நன்றியால் சுருக்க முடியாது. வளர்ந்து வரும் நடிகர்களைப் பாராட்டுவதற்காக ரொம்ப நன்றி சார். ‘வாத்தி’ படம் வெற்றி பெற வாழ்த்துக்கள். உங்களிடமிருந்து சிறந்த சினிமாவை காண எப்போதும் காத்திருக்கிறேன் சார் என நெகிழ்ச்சியுடன் அந்த அறிக்கையில் குறிபிட்டுள்ளார் கவின்.