சிம்பு நடிப்பில் உருவாகியுள்ள ‘பத்து தல’ படம் பற்றி பரவிய வதந்தி குறித்து இயக்குனர் கிருஷ்ணா தனது ட்விட்டர் பக்கத்தில் பதிவு ஒன்றை பகிர்ந்துள்ளார்.
சிம்பு’வெந்து தணிந்தது காடு’ படத்தின் வெற்றிக்கு பிறகு சிம்பு எந்தவொரு புதிய படத்திலும் கமிட் ஆகாமல் இருக்கிறார். இந்தப்படத்திற்கு முன்பாகவே ‘பத்து தல’ படத்தில் நடிக்க ஒப்பந்தமானார். ரிலீசுக்கு தயாராகவுள்ள இந்தப்படத்தின் புரமோஷன் பணிகள் தற்போது தீவிரமாக நடந்து வருகிறது. இந்நிலையில் ‘பத்து தல’ இயக்குனர் தனது ட்விட்டர் பக்கத்தில் பகிர்ந்துள்ள பதிவு இணையத்தில் வைரலாகி வருகிறது.
வெந்து தணிந்தது காடுகெளதம் மேனன், சிம்பு கூட்டணியில் கடந்த ஆண்டு ‘வெந்து தணிந்தது காடு’ படம் வெளியானது. ‘மாநாடு’ படத்தில் வெறித்தனமான கம்பேக் கொடுத்த சிம்பு கெளதம் மேனன் இயக்கத்தில் வேறலெவலில் நடித்தார். விண்ணைத்தாண்டி வருவாயா, அச்சம் என்பது மடமையடா படத்திற்கு பிறகு சிம்பு, கெளதம் கூட்டணி மூன்றாவது முறையாக இந்தப்படத்தில் இணைந்தது. மேலும், வெந்து தணிந்தது காடு படத்திற்கு ஏ.ஆர். ரஹ்மான் இசையமைத்தார்.
முஃப்தி ரீமேக்இந்தப்படம் ரசிகர்கள் மத்தியில் அமோக வரவேற்பை பெற்று வசூலிலும் சாதனை படைத்தது. ‘வெந்து தணிந்தது காடு’ படத்திற்கு முன்பாகவே ‘பத்து தல’ படத்தில் நடிக்க கமிட் ஆனார். கன்னடத்தில் வெளியாகி வெற்றி பெற்ற ‘முஃப்தி’ படத்தின் ரீமேக்காக இந்தப்படம் உருவாகியுள்ளது. சிவராஜ்குமார், ஸ்ரீமுரளி முப்தி வெளியானது. இதன் ரீமேக்கை தற்போது ‘சில்லுன்னு ஒரு காதல்’ பட இயக்குனர் கிருஷ்ணா இயக்குகிறார்.
பத்து தல புரோமோஇந்நிலையில் இந்தப்படத்திற்காக புரோமோ வீடியோ ஒன்றை படக்குழு உருவாக்கியுள்ளதாகவும், ஆனால் சிம்பு இதில் கலந்து கொள்ளவில்லை என்ற தகவலும் இணையத்தில் வைரலானது. இதனையடுத்து ‘வாரிசு’ படத்திற்காக புரமோஷன் வீடியோவில் இடம்பெற்ற சிம்பு, தன் படத்திற்காக கலந்து கொள்ள மாட்டாரா என்ற சர்ச்சை எழுந்தது. இதுக்குறித்து தற்போது படத்தின் இயக்குனர் கிருஷ்ணா பரபரப்பு விளக்கம் அளித்துள்ளார்.
இயக்குனர் கிருஷ்ணா விளக்கம்அதில், அனைவருக்கும் ஒன்றை சொல்லி கொள்கிறோம். எங்களுடைய பிளானின் படி புரோமோ வீடியோவில் சிம்பு வேண்டாம் என்பது எங்களின் முடிவாகவே இருந்தது. எனவே சிம்பு பெயரை தேவையில்லாமல் இழுத்து அசிங்கப்படுத்த வேண்டாம். ‘பத்து தல’ தயாரிப்பாளர் படத்தை எப்படு புரமோஷன் செய்ய வேண்டும் என்பதில் தெளிவாக இருக்கிறார். வெறுப்பை கக்கும் பேச்சை நாங்க விரும்பவில்லை என்று தெரிவித்துள்ளார்.
சிம்பு – கெளதம் கார்த்திக்’பத்து தல’ படத்தில் சிம்புவுடன் கெளதம் கார்த்திக், ப்ரியா பவானி சங்கர், மனுஷ்ய புத்திரன், கலையரசன், டிஜே உள்ளிட்ட பலர் நடிக்கின்றனர். ஸ்டுடியோ கிரீன் சார்பாக கே.இ. ஞானவேல் ராஜா தயாரித்துள்ள இந்தப்படத்திற்கு ஏ.ஆர். ரஹ்மான் இசையமைத்துள்ளார். ‘பத்து தல’ படம் வரும் மார்ச் 30 ஆம் தேதி வெளியாகவுள்ளது குறிப்பிடத்தக்கது.