தமிழ் சினிமாவில் நடிகர், தயாரிப்பாளர் என பலமுகம் கொண்டவராக வலம் வருகின்றார் விஷால். அர்ஜுனிடம் உதவி இயக்குனராக பணியாற்றிய விஷால் செல்லமே படத்தின் மூலம் ஹீரோவாக அறிமுகமானார். இதைத்தொடர்ந்து லிங்குசாமி இயக்கத்தில் சண்டக்கோழி திரைப்படத்தில் நடித்ததன் மூலம் ஆக்ஷன் ஹீரோவாக அவதாரம் எடுத்தார் விஷால்.
அப்படம் மிகப்பெரிய வெற்றியை பெற்று விஷாலுக்கு தனி ஒரு அடையாளத்தை கொடுத்தது. அதன் பின் திமிரு, தாமிரபரணி என தொடர்ந்து ஆக்ஷன் படங்களாக நடித்து அசத்தி வந்தார் விஷால். இடையில் சில படங்களின் மூலம் தோல்வியை சந்தித்த விஷால் தானே ஒரு தயாரிப்பு நிறுவனம் துவங்கி படங்களை தயாரிக்க ஆரம்பித்தார்.
AK62: AK62 படத்திற்காக மூன்று தலைப்புகளை தயார் செய்துள்ள மகிழ் திருமேனி..ஒர்கவுட் ஆகுமா ?
அதன் மூலம் வெற்றியும் கண்ட விஷால், நடிகர் சங்கம், தயாரிப்பாளர் சங்கம் போன்ற பொறுப்புகளையும் நிர்வாகித்தார். இதன் மூலம் சில சர்ச்சைகளையும் சந்தித்தார். இந்நிலையில் நடிகர் விஷாலின் திரைப்படங்கள் சமீபகாலமாக எதிர்பார்த்த வெற்றியை பெறவில்லை.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
சொல்லவேண்டும் என்றால் 2018 ஆம் ஆண்டு வெளியான இரும்புத்திரை படத்திற்கு பிறகு விஷாலின் எந்த திரைப்படமும் வெற்றியை பெறவில்லை. இதன் காரணமாக தற்போது கட்டாய வெற்றியை எதிர்நோக்கி காத்திருக்கும் விஷால் மார்க் ஆண்டனி படத்தை மிகவும் நம்பியுள்ளார்.
ஆதிக் ரவிச்சந்திரன் இயக்கத்தில் உருவாகும் இப்படத்தில் விஷாலுடன் இணைந்து எஸ்.ஜெ சூர்யா நடித்து வருகின்றார். வித்யாசமான கதையில் உருவாகும் இபபடத்தின் மீது ரசிகர்களின் எதிர்பார்ப்பு இருந்து வருகின்றது. மேலும் இப்படம் விஷாலை மீண்டும் வெற்றிப்பாதைக்கு அழைத்து வரும் எனவும் எதிர்பார்க்கப்படுகின்றது.
இந்நிலையில் தற்போது மார்க் ஆண்டனி படத்தின் இறுதிக்கட்ட படப்பிடிப்பு விறுவிறுப்பாக நடந்து வரும் நிலையில் எதிர்பாராத விதமாக படப்பிடிப்பு தளத்தில் மிகப்பெரிய விபத்து நடந்துள்ளது. அதிர்ஷடவசமாக யாருக்கும் எந்த வித பாதிப்பும் ஏற்படவில்லை.
படப்பிடிப்பில் லாரி ஓட்டும் காட்சி எடுக்கப்பட்டபோது லாரி கட்டுப்பாட்டை இழந்து சென்றதை சுதாரித்து அங்குள்ளவர்கள் சிதறி ஓடியதால் எந்த வித அசம்பாவிதமும் நடக்காமல் தவிர்க்கப்பட்டது. இந்நிலையில் இதுகுறித்து விஷால் ட்வீட் ஒன்றை போட்டுள்ளார்.
அவர் பதிவிட்டவாறு, சில வினாடிகளி உயிர் தப்பினேன், கடவுளுக்கு நன்றி மீண்டும் படப்பிடிப்பில் இணைந்தேன் என்றார்.தற்போது அந்த ஷூட்டிங் ஸ்பாட்டில் நிகழ்ந்த காட்சிகளின் வீடியோ இணையத்தில் வைரலாகி வருகின்றது குறிப்பிடத்தக்கது