கறம்பக்குடி: கறம்பக்குடி அருகே ஒரு தலை, 8 கால்கள், 2 உடல், 4 காதுகளுடன் பிறந்த அதிசய ஆட்டுக்குட்டியை பொதுமக்கள் பார்த்து வியப்படைந்தனர். புதுக்கோட்டை மாவட்டம், கறம்பக்குடி அருகே பட்டத்திக்காடு கிராமத்தை சேர்ந்தவர்கள் ராஜேந்திரன்- சுமதி தம்பதியினர். இவர்கள் ஐம்பத்துக்கு மேற்பட்ட ஆடுகளை வளர்த்து வருகின்றனர். இந்நிலையில் இவர்கள் இருவரும் தங்களது ஆடுகளை மேய்ச்சல் இடத்தில் மேய்ச்சலுக்கு விட்டனர்.
அப்போது சினை ஆடு ஒன்று பட்டத்திகுளம் அருகே குட்டி ஒன்றை ஈன்றது. இதில் ஆட்டுக்குட்டி பிறந்தவுடன் ஒரு தலை, 2 உடல்கள், 4 காதுகள், 8 கால்களுடன் பிறந்தது ஆச்சரியத்தை ஏற்படுத்தியது. இந்த அதிசய ஆட்டுக்குட்டி பிறந்த சிறிது நேரத்திலேயே இறந்து விட்டது. ஆட்டுக்குட்டியை ஈன்ற ஆடும் உயிருக்கு போராடி கொண்டிருந்தது. அதிசய ஆட்டுக்குட்டியை பட்டத்திக்காடு மற்றும் அதன் சுற்று வட்டார கிராம மக்கள் ஆச்சரியத்துடன் பார்த்து சென்றனர்.