ரிலீஸிற்கு தயாராகும் ‛சூர்ப்பனகை'
'திருடன் போலீஸ்' படத்தை இயக்கிய கார்த்திக் ராஜு இயக்கத்தில் ஆப்பிள் ட்ரீ ஸ்டுடியோஸ், ராஜ் சேகர் வர்மா தயாரிப்பில், ரெஜினா கசாண்ட்ரா நடித்த 'சூர்ப்பனகை' படத்தை எஸ்பி சினிமாஸ் வாங்கியுள்ளது. பேண்டசி – த்ரில்லர் கதைக்களத்தைக் கொண்ட 'சூர்ப்பனகை' 1920கள் மற்றும் தற்போதைய காலம் என இரண்டு வெவ்வேறு காலகட்டங்களின் பின்னணியில் அமைக்கப்பட்ட கதையாகும். இதில் ரெஜினாவுடன் அக்ஷரா கவுடா, ஜேபி, மன்சூர் அலி கான், ஜீவா ரவி, மைக்கேல், கௌஷிக், யோகி, ரவிராஜா மற்றும் பலர் நடித்துள்ளனர்.
சாம் சிஎஸ் இசையமைக்க, கோகுல் பெனாய் ஒளிப்பதிவு செய்கிறார். இப்படம் கோடை விடுமுறையை ஒட்டி வெளியாக இருக்கிறது. இதில் ரெஜினா தொல்பொருள் ஆய்வாளராக நடிக்கிறார் அவர் ஒரு ஆராய்ச்சிக்காக செல்லும்போது சிக்கல் ஒன்றில் மாட்டிக் கொள்ள அதிலிருந்து எப்படி தப்பிக்கிறார் என்பதுதான் படத்தின் கதை.